ପୁରୀ: ପୁରୀ ସହରରେ ଲୁଟେରାଙ୍କ ଆତଙ୍କରାଜ । ଦିନ ଦ୍ଵିପ୍ରହରରେ ଲୋକଙ୍କ ଠାରୁ ଲୁଟି ନେଉଛନ୍ତି ଟଙ୍କା । ଏମିତି ଅବସ୍ଥା ହେଲାଣି ଯେ ଲୋକ ଘରୁ ବାହାରକୁ ଯିବାପାଇଁ ସୁରକ୍ଷିତ ମଣୁ ନାହାନ୍ତି। ରବିବାର ଅପରାହ୍ନରେ ପୁରୀ ସମୁଦ୍ରକୁଳ ଥାନା ମେ ଫେୟାର ହୋଟେଲ ନିକଟରେ ଦୁଇଜଣ ଯୁବକ ଏକ ସ୍କୁଟି ଯୋଗେ ଆସି ଜଣେ ମହିଳାଙ୍କ ଠାରୁ ପର୍ସ ଲୁଟି ନେଇଛନ୍ତି।
ସୂଚନା ଅନୁଯାୟୀ, କଲ୍ୟାଣୀ ମିଶ୍ର ନାମକ ଜଣେ ମହିଳା ତାଙ୍କ ସମ୍ପର୍କୀୟଙ୍କ ସହ କୌଣସି ଏକ କାମ ସାରି ମେ’ ଫେୟାର ହୋଟେଲ ଗଳି ରାସ୍ତାରେ ଆସୁଥିଲେ । ପୂର୍ବରୁ ଛକି ରହିଥିବା ଦୁଇ ଜଣ ଯୁବକ ତାଙ୍କୁ ପିଛା କରି ହଠାତ୍ ଠେଲି ଦେଇଥିଲେ । କଲ୍ୟାଣୀ ତଳେ ପଡିଯିବା ପରେ ତାଙ୍କ ପର୍ସକୁ ଛଡାଇ ନେଇଥିଲେ ଲୁଟେରା।
ପୁରୀରେ ଲୁଟେରାଙ୍କ ଆତଙ୍କରାଜ