ପୁରୀ: ସରିଛି ଫନି ତାଣ୍ଡବ । ଚାରିଆଡେ ଖାଁ ଖାଁ । ଶୁକ୍ରବାର ବାତ୍ୟା ପ୍ରଭାବରେ ଛାରଖାର ହୋଇଯାଇଛି ରାଜ୍ୟର ଅନେକ ଜିଲ୍ଲା । ସେଥିରୁ ପୁରୀ ଓ ଭୁବନେଶ୍ବର ହୋଇଥିଲା ଅଧିକ କ୍ଷତିଗ୍ରସ୍ତ । ତେବେ ବାତ୍ୟା ଛାଡିବା ପରେ ଆରମ୍ଭ ହୋଇଛି ଯୁଦ୍ଧକାଳୀନ ଭିତ୍ତିରେ କାର୍ଯ୍ୟ ।
ଲ୍ୟାଣ୍ଡଫଲ ପରେ ଶ୍ରୀକ୍ଷେତ୍ରରେ ତାଣ୍ଡବ ରଚିଥିଲା ଫନି । ଆଉ ଏହାର ପ୍ରଭାବରେ ପୂରା ଧ୍ବସ୍ତବିଧ୍ବସ୍ତ ହୋଇଛି ପୁରୀ ସହର । ଗଛ ଉପୁଡି ରାସ୍ତା ଅବରୋଧ ହୋଇଥିଲା । ଘରର ଛାତ ଉଡିଯାଇଥିଲା । ଫନି କବଳରୁ ବଞ୍ଚିପାରିନଥିଲା ପୁରୀ ଷ୍ଟେସନ । ପ୍ଲାଟଫର୍ମ ଛାତ ଉଡିଯିବା ସହ ଭାଙ୍ଗିରୁଜି ଯାଇଥିଲା ଅନେକ ହୋର୍ଡିଂ । ଷ୍ଟେସନରେ ଥିବା ଟ୍ରେନ ଅଧିର କ୍ଷତିଗ୍ରସ୍ତ ହୋଇଥିଲା । ତେବେ ପୁରୀ ରେଳ ଷ୍ଟେସନ ସମେତ କୋଚ ମରାମତି ଆରମ୍ଭ ହୋଇଛି ।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ