ପୁରୀ:ଜିଲ୍ଲାର ବାସେଳିସାହି ଥାନାରେ ହାଜତ ମୃତ୍ୟୁ ଅଭିଯୋଗ ଘଟଣା ଉପରେ ପୁରୀ ଏସ୍ପି ଅଖିଳେଶ୍ବର ସିଂହ ପ୍ରତିକ୍ରିୟା ରଖିଛନ୍ତି । ଏହି ଅଭିଯୋଗକୁ ପୁରୀ ଏସପି ଖଣ୍ଡନ କରିବା ସହ ଘଟଣାର ତଦନ୍ତ କରାଯିବ ବୋଲି କହିଛନ୍ତି ।
ବାସେଳିସାହି ଥାନା ହାଜତ ମୃତ୍ୟୁର ହେବ ତଦନ୍ତ: ପୁରୀ ଏସପି
ହାଜତରେ ଅଭିଯୁକ୍ତର ମୃତ୍ୟୁ ଅଭିଯୋଗକୁ ପୁରୀ ଏସପି ଆଖିଲେଶ୍ବର ସିଂ ଖଣ୍ଡନ କରିଛନ୍ତି । ତାଙ୍କ ସୂଚନା ଅନୁଯାୟୀ ଅଭିଯୁକ୍ତକୁ ଏକ ଡକାୟତି ମାମଲାରେ ଧରିବା ପାଇଁ ପୋଲିସ ଟିମ ଯାଇଥିବା ବେଳେ ପୋଲିସ ସହ ତା'ର ଧସ୍ତାଧସ୍ତି ହୋଇଥିଲା । ଅଭିଯୁକ୍ତ ଜଣକ ପୋଲିସ ଉପରକୁ ଆକ୍ରମଣ କରିଥିଲା । ଏହି ସମୟରେ ଅଭିଯୁକ୍ତ ଅସୁସ୍ଥ ହୋଇପଡିବା ପରେ ତାକୁ ପୁରୀ ଜିଲ୍ଲା ସଦର ମହକୁମା ଚିକିତ୍ସାଳୟକୁ ନିଆଯାଇଥିଲା । ତେବେ ସେଠାରେ ଚିକିତ୍ସିତ ଅବସ୍ଥାରେ ତାର ମୃତ୍ୟୁ ହୋଇଛି ବୋଲି ଏସପି କହିଛନ୍ତି ।