ରାତି ପାହିଲେ ଶ୍ରୀମନ୍ଦିର ପରିକ୍ରମା ପ୍ରକଳ୍ପର ଉଦଘାଟନ, ପ୍ରସ୍ତୁତିର ସମୀକ୍ଷା ସହ ଭକ୍ତଙ୍କ ସହ ସେଲଫି ନେଲେ 5ଟି ଅଧ୍ୟକ୍ଷ ପୁରୀ : ରାତି ପାହିଲେ ଶ୍ରୀ ମନ୍ଦିର ପରିକ୍ରମା ପ୍ରକଳ୍ପ ଉଦଘାଟନ ହେବ । ତେବେ ଏହା ପୂର୍ବରୁ 5T ଅଧ୍ୟକ୍ଷ ଭି କେ ପାଣ୍ଡିଆନ ଆଜି ସନ୍ଧ୍ୟାରେ ଆସି ସମସ୍ତ ପ୍ରସ୍ତୁତି ସମୀକ୍ଷା କରିଛନ୍ତି । ଶ୍ରୀମନ୍ଦିର ଯାଇ ମହାପ୍ରଭୁଙ୍କ ଦର୍ଶନ କରିବା ପରେ ଯଜ୍ଞସ୍ଥଳୀକୁ ଯାଇ ପୁଜା ସମ୍ପର୍କରେ ପୂଜକଙ୍କ ସହ ଆଲୋଚନା କରିଥଲେ । ସେହିପରି ଭକ୍ତ ମାନେ କିଭଳି ଭଲରେ ମହାପ୍ରଭୁଙ୍କୁ ଦର୍ଶନ କରିବେ ସେ ନେଇ ଜିଲା ପ୍ରଶାସନ ସହ ଆଲୋଚନା କରିଥଲେ । ତେବେ ଶ୍ରୀମନ୍ଦିର ପାଖରେ ୫ଟି ଅଧ୍ୟକ୍ଷ ବୁଲୁଥିବା ବେଳେ କିଛି ଭକ୍ତ ସେଲ୍ଫି ନେବା ପାଇଁ ଅନୁରୋଧ କରିଥିଲେ । ଏହାପରେ ସଙ୍ଗେ ସଙ୍ଗେ ୫ଟି ଅଧ୍ୟକ୍ଷ ଭି କେ ପାଣ୍ଡିଆନ ସେଲଫି ନେଇଥିଲେ ।
ତେବେ ଆସନ୍ତାକାଲି ୧୭ ତାରିଖ ବୁଧବାର ପୌଷ ଶୁକ୍ଳ ସପ୍ତମୀ ତିଥିରେ ଅପରାହ୍ନ ୧ଟା ୧୫ ରୁ ୧ଟା ୩୦ ମଧ୍ୟରେ ଶ୍ରୀମନ୍ଦିର ପରିକ୍ରମା ପ୍ରକଳ୍ପ ଲୋକାର୍ପଣ ସହ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଫଳକ ଉନ୍ମୋଚନ କରିବେ । ଏଥିସହ ୧ଟା ୩୦ ରୁ ୨ଟା ମଧ୍ୟରେ ଗଜପତି ମହାରାଜା ଦିବ୍ୟସିଂହ ଦେବଙ୍କ ଦ୍ବାରା ଯଜ୍ଞର ପୂର୍ଣ୍ଣାହୁତି ସହ ଆରତୀ ଓ ପୁଷ୍ପାଞ୍ଜଳି ଅନୁଷ୍ଠିତ ହେବ । ସେହିପରି ୨ଟା ରୁ ୨ଟା ୩୦ ମଧ୍ୟରେ ଅନ୍ତଃପ୍ରଦକ୍ଷିଣ ପଥରେ ନାମ ସଂକୀର୍ତ୍ତନ ସହ ଶୋଭାଯାତ୍ରା ଅନୁଷ୍ଠିତ ହେବ । ୨ଟା ୩୦ ରୁ ୩ଟା ମଧ୍ୟରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ସଭାଗୃହରେ ପହଞ୍ଚି ସମ୍ବର୍ଦ୍ଧିତ କରିବାର କାର୍ଯ୍ୟକ୍ରମ ରହିଛି ।
ଏହା ମଧ୍ୟ ପଢନ୍ତୁ ...ଶ୍ରୀମନ୍ଦିର ପରିକ୍ରମା ପ୍ରକଳ୍ପ ଲୋକାର୍ପଣ ଉତ୍ସବରେ ସାମିଲ ହେବାକୁ ମୁଖ୍ୟ ଶାସନ ସଚିବଙ୍କ ଅନୁରୋଧ
ଗତକାଲି 5t ଅଧ୍ୟକ୍ଷ ଭି କେ ପଣ୍ଡିଆନ ପୁରୀ ଗସ୍ତ ରେ ଆସି ସବୁ ପ୍ରସ୍ତୁତି ସମୀକ୍ଷା ମଧ୍ୟ କରିଥିଲେ । ନୀଳାଦ୍ରି ଭକ୍ତ ନିବାସ ରେ ଏକ ସମୀକ୍ଷା ବୈଠକ ଅନୁଷ୍ଠିତ ହେଇଥିଲା । ଏହି ବୈଠକ ରେ ବିଜେଡ଼ିର ର ବରିଷ୍ଠ ନେତା ପ୍ରଣବ ପ୍ରକାଶ ଦାଶ, ମାନସ ମଙ୍ଗରାଜ , ପୁରୀ ଜିଲ୍ଲାପାଳ, ଶ୍ରୀ ମନ୍ଦିର ପରିଚାଳନା କମିଟି ସଦସ୍ୟ, ବରିଷ୍ଠ ସେବାୟତ ଉପସ୍ଥିତ ଥିବା ବେଳେ ତାଙ୍କ ସହ 5t ଅଧ୍ୟକ୍ଷ ଆଲୋଚନା କରିଥଲେ । ତେବେ ବୈଠକ ରେ ଯୋଗ ଦେଇଥିବା ବିଜେଡ଼ିର ବରିଷ୍ଠ ନେତା ମାନସ ମଙ୍ଗରାଜ କହିଥିଲେ ଶ୍ରୀ ମନ୍ଦିର ପରିକ୍ରମା ପ୍ରକଳ୍ପ ଏକ ଐତିହାସିକ ପ୍ରକଳ୍ପ । ଏହି ପ୍ରକଳ୍ପ କୁ ସଫଳ କରିବା ପାଇଁ ସବୁ ପକ୍ଷଙ୍କ ମତାମତ ନିଆଯାଇଛି । ବିଶେଷ କରି ପରିକ୍ରମା ପ୍ରକଳ୍ପ ଯୋଗୁଁ ଶ୍ରୀ ମନ୍ଦିର ଚାରି ପାଖ ରେ ଥିବା ସାହି ଗୁଡିକ ର ବାସିନ୍ଦା ଯାତାୟତ ରେ ବହୁ ଅସୁବିଧା ଭୋଗୁ ଥିବାରୁ ଏହାକୁ କିଭଳି ସମାଧାନ କରାଯାଇ ପାରିବ ସେ ନେଇ ଆଲୋଚନା ହୋଇଥିଲା ।
ବୈଠକ ରେ ଯୋଗ ଦେଇଥିବା ସେବାୟତ କହିଛନ୍ତି ଶ୍ରୀ ମନ୍ଦିର ପରିକ୍ରମା ପ୍ରକଳ୍ପ କିଭଳି ସଫଳ ହୋଇ ପାରିବ, ଉଦଘାଟନ ଉତ୍ସବ ଯେଭଳି ସୁରୁଖୁରୁରେ ହୋଇ ପାରିବ ସେ ନେଇ 5ଟି ଅଧ୍ୟକ୍ଷ ଆଲୋଚନା କରିଥଲେ । ସେହିପରି ଶ୍ରୀ ମନ୍ଦିରରେ ଆଉ କଣ ସମସ୍ୟା ରହିଛି ସେ ନେଇ ସମୀକ୍ଷା ହୋଇଥଲା । ତେବେ ମହାପ୍ରଭୁଙ୍କର ସେବା ପୂଜାରେ କେତେକ ସାମଗ୍ରୀ ଆବଶ୍ୟକ ଥିବା ବେଳେ ଏହାର ବ୍ୟବସ୍ଥା କରିବା ପାଇଁ 5t ଅଧ୍ୟକ୍ଷ ଙ୍କୁ ସେବାୟତ ମାନେ ପ୍ରସ୍ତାବ ଦେଇଥିଲେ ।
ଇଟିଭି ଭାରତ, ପୁରୀ
