ପୁରୀ: ସମୁଦ୍ରରେ ଗାଧୋଉଥିବା ବେଳେ ଆଜି ବେଳାଭୂମିର ବିଭିନ୍ନ ସ୍ଥାନରେ 3 ଜଣ ପର୍ଯ୍ୟଟକ ବୁଡି ଯାଉଥିବା ବେଳେ ଲାଇଫ ଗାର୍ଡ ଉଦ୍ଧାର କରିଛନ୍ତି । ଉଦ୍ଧାର ପରେ ପ୍ରାଥମିକ ଚିକିତ୍ସା କରାଯାଇ ତାଙ୍କୁ ଛଡା ଯାଇଛି ।
ତେବେ ସୂଚନାନୁଯାୟୀ, ସ୍ବର୍ଗଦ୍ବାର ନିକଟରେ ପଶ୍ଚିମବଙ୍ଗ ହୁଗୁଳିର ମଧୁରୀ କୁରି ସମୁଦ୍ରରେ ଗାଧୋଇବାବେଳେ ଭାରସାମ୍ୟ ହରେଇ ସମୁଦ୍ର ଜଳ ଭିତରକୁ ପଳାଇ ଥିଲେ । ସଙ୍ଗେ ସଙ୍ଗେ ଉପସ୍ଥିତ ଥିବା ଲାଇଫ ଗାର୍ଡ ତାଙ୍କୁ ଉଦ୍ଧାର କରିଥିଲେ । ସେହିପରି ଆଉ ଏକ ଘଟଣାକ୍ରମରେ ସ୍ଵର୍ଗ ଦ୍ବାର ନିକଟବର୍ତ୍ତୀ ଅଞ୍ଚଳରେ ପଶ୍ଚିମବଙ୍ଗ ଉତ୍ତର 24 ପ୍ରଗଣାର ରେଣୁ ବିଶ୍ବାସ ଓ ଜଗତସିଂହପୁର ତିର୍ତ୍ତୋଲର ସୋମ୍ୟା ପରିଜା ସମୁଦ୍ର ସ୍ନାନ କରୁଥିବା ବେଳେ ସମୁଦ୍ର ଜଳ ଭିତରକୁ ପଳାଇ ଥିଲେ । ସେଠାରେ ଉପସ୍ଥିତ ଥିବା ଲାଇଫ ଗାର୍ଡ ସଂଗେ ସଂଗେ ସମୁଦ୍ର ଜଳରେ ପଶି ଉଭୟଙ୍କୁ ଉଦ୍ଧାର କରିଥିଲେ ।