ନୂଆପଡା :ଅଦିନିଆ ବର୍ଷାରେ ଭିଜିଲା ଚାଷୀର ବର୍ଷକର ଫସଲ । ଲଘୁଚାପ ଜନିତ ଲଗାଣ ବର୍ଷାରେ ନଷ୍ଟ ହେଲା ମଣ୍ତିରେ ଗଦା ହୋଇଥିବା ଧାନ । ମଣ୍ଡି ଗୁଡିକରେ ହଜାର ହଜାର ଧାନବସ୍ତା ଭିଜି ଗଜା ହୋଇଥିବା ଦେଖିବାକୁ ମିଳିଛି । ଯାହାକୁ ନେଇ ଚିନ୍ତାରେ ପଡିଛି ଚାଷୀ । ଏପରି ସମସ୍ୟା ଦେଖିବାକୁ ମିଳିଛି ନୂଆପଡା ଜିଲ୍ଲା ସିନାପାଲି ବ୍ଲକ ମାଖାପଦର ଓ ବୋଡେନ ବ୍ଲକ କାମପୁର ଧାନ ମଣ୍ଡିରେ । ବର୍ଷାପାଣି ମାଡି ଯାଇ ଧାନବସ୍ତା ଭିଜି ଯାଉଛି । ବର୍ଷା ପାଣିରୁ ଧାନକୁ ସୁରକ୍ଷା ଦେବା ପାଇଁ ଅନ୍ନଦାତା ବିକଳରେ ପାଣିକୁ ନିଷ୍କାସନ କରୁଛି । ତେବେ ଚାଷୀଙ୍କ ଏଭଳି ସମସ୍ୟା ସମୟରେ ମିଲର୍ସ କି ପ୍ରଶାସନିକ ଅଧିକାରୀଙ୍କ ଦେଖା ନାହିଁ । ଯାହାକୁ ନେଇ ଚାଷୀଙ୍କ ମଧ୍ୟରେ ଅସନ୍ତୋଷ ସୃଷ୍ଟି ହେଉଛି ।
ଦାଉ ସାଜିଲା ବର୍ଷା : ଖୋଲା ଆକାଶ ତଳେ ଭିଜିଲା ସୁନାର ଫସଲ