ଭୋଜି ଖାଇବାକୁ ଯାଇ ଫେରିଲେନି ଯୁବକ, ଆଜି ମିଳିଲା ମୃତଦେହ

ନୂଆପଡା ଜିଲ୍ଲା ସିନାପାଲି ଥାନା ନିଲଜି ଗ୍ରାମ ନିକଟରେ ଯୁବକଙ୍କ ମୃତଦେହ ସିନାପାଲି ପୋଲିସ ଠାବ କରିଛି । ମୃତ ଯୁବକ ଜଣକ ରେବେଡି ଗ୍ରାମର ଲମ୍ବୋଦର ପୁଞ୍ଜି ବୋଲି ଜଣାପଡିଛି । ଅଧିକ ପଢନ୍ତୁ...

ନୂଆପଡା:ନୂଆପଡା ଜିଲ୍ଲା ସିନାପାଲି ଥାନା ନିଲଜି ଗ୍ରାମ ନିକଟରେ ଯୁବକଙ୍କ ମୃତଦେହ ସିନାପାଲି ପୋଲିସ ଠାବ କରିଛି । ମୃତ ଯୁବକ ଜଣକ ରେବେଡି ଗ୍ରାମର ଲମ୍ବୋଦର ପୁଞ୍ଜି ବୋଲି ଜଣାପଡିଛି । ଗତକାଲି ଏକ ବିବାହ ଭୋଜିରେ ଯୋଗଦେବା ପାଇଁ ମୃତ ଲମ୍ବୋଦର ନିକଟସ୍ଥ ସାଲେକେଲା ଗ୍ରାମକୁ ଯାଇଥିଲେ । ରାତ୍ରିରେ ଭୋଜି ଭାତ ଖାଇ ନିଜ ଗାଁକୁ ଆଉ ଫେରିନଥିଲେ ।

ବାଟରେ ନିଲଜି ଗ୍ରାମ ନିକଟରେ ଲମ୍ବୋଦର ପୁଞ୍ଜିଙ୍କ ମୃତଦେହ ପଡିଥିବା ସ୍ଥାନୀୟ ଲୋକେ ଦେଖିବାକୁ ପାଇଛନ୍ତି । ଖବର ପାଇ ସିନାପାଲି ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହ ଜବତ କରିବା ସହ ବ୍ୟବଚ୍ଛେଦ ପାଇଁ ପଠାଇଛି । ଅପରପକ୍ଷରେ ଏହା ଦୁର୍ଘଟଣା ନା ଯୋଜନାବଦ୍ଧ ହତ୍ୟାକାଣ୍ଡ, ଏଯାଏଁ ସ୍ପଷ୍ଟ ହୋଇପାରି ନାହିଁ । ସିନାପାଲି ପୋଲିସର ତଦନ୍ତ ଜାରି ରହିଛି ।

ନୂଆପଡାରୁ ମୋତିଲାଲ ବାଗ, ଇଟିଭି ଭାରତ