ନୂଆପଡା: ଗରିବ ବାସହରା ହିତାଧିକାରୀଙ୍କୁ ରାଜ୍ୟ ନବୀନ ସରକାର ବିଜୁପକ୍କା ଗୃହ ଏବଂ କେନ୍ଦ୍ର ମୋଦି ସରକାର ପ୍ରଧାନମନ୍ତ୍ରୀ ଆବାସ ଗୃହ ଯୋଗାଇ ଦେଉଥିବା ଡିଣ୍ଡିମ ପିଟୁଛନ୍ତି । ହେଲେ ଏତେସବୁ ଯୋଜନା ଥାଇ ମଧ୍ୟ ନୂଆପଡା ଜିଲ୍ଲା ସିନାପାଲି ବ୍ଲକ ସରଧାପୁରର ବନ୍ଧପଡା ଗାଁର ଗରିବ ସଞ୍ଜୟ ସୁନାନିଙ୍କ ପରିବାର ପାଇଁ ଘର ଖଣ୍ଡେ ସାତସପନ ପାଲଟିଛି । ସରକାରୀ ରାଜତନ୍ତ୍ରରେ ମୁଣ୍ଡ ଉପରେ ଛାଇ ପାଇବାର ବିଧି ବ୍ୟବସ୍ଥା ଥିଲେ ମଧ୍ୟ, ଗରିବ ସଞ୍ଜୟ ସୁନାନିଙ୍କ ପରିବାର ପକ୍ଷେ ସମ୍ଭବ ହୋଇ ପାରିଲାନାହିଁ । ଯାହାଫଳରେ ବାଧ୍ୟ ତହୋଇ ଖୋଲା ଆକାଶ ତଳେ ଦିନ କାଟୁଛନ୍ତି ସଞ୍ଜୟଙ୍କ ପରିବାର ।
ଭିଡିଓ ସୌଜନ୍ୟ: ପ୍ରତିନିଧି,ନୂଆପଡା
ବିଜୁ ପକ୍କାଗୃହ କିମ୍ବା ପ୍ରଧାନମନ୍ତ୍ରୀ ଆବାସ ଗୃହ ପାଇଁ ଅନେକ ଥର ପ୍ରାଶାସନକୁ ଜଣାଇଛନ୍ତି ସତ । ହେଲେ ଫଳ ଶୂନ । ପିଲା ଦୁହିଁଙ୍କୁ ନେଇ ରାସ୍ତାକଡରେ ନଡା ଛପର ଘରେ ରହୁଛନ୍ତି ସଞ୍ଜୟ ଓ ଧନମତି। ତାଙ୍କର ଏପରି ଅବସ୍ଥା ଦେଖି ମନେହୁଏ ସତେ ଯେମିତି ସରକାରୀ ବିଧିବ୍ୟବସ୍ଥା ଅଚଳ ହୋଇଯାଇଛି ।