ସର୍ଟସର୍କିଟରେ ପୂଜାଭଣ୍ଡାର ଭସ୍ମୀଭୂତ

ପୂଜା ଭଣ୍ଡାରରେ ନିଆଁ ଲାଗି ଲକ୍ଷାଧିକ ଟଙ୍କାର ପୂଜା ସାମଗ୍ରୀ ଭସ୍ମୀଭୂତ । ସର୍ଟସର୍କିଟ ଯୋଗୁଁ ନିଆଁ ଲାଗିଥିବା ଜଣାପଡିଛି ।

ନୂଆପଡା: ଖଡ଼ିଆଳ କୋଶଲେଶ୍ବର ମନ୍ଦିର ନିକଟସ୍ଥ ପୂଜା ସାମଗ୍ରୀ ଦୋକାନରେ ଅଗ୍ନିକାଣ୍ଡ । ଭୟଙ୍କର ଅଗ୍ନିକାଣ୍ଡରେ ଲକ୍ଷାଧିକ ଟଙ୍କାର ପୂଜା ସାମଗ୍ରୀ ପାଉଁଶ ।

ସୂଚନା ଅନୁଯାୟୀ ଆଜି ସକାଳେ ଦୋକାନ ମାଲିକ ହିମାଂଶୁ ପ୍ରସାଦ ବେହେରା ଦୋକାନ ଖୋଲିବାକୁ ଆସିଥିବାବେଳେ , ହଠାତ ଆଖି ପିଛୁଳାକେ ଦୋକାନରେ ନିଆଁ ଲାଗିଯାଇଥିଲା । ଖବର ପାଇ ଖଡ଼ିଆଳ ଦମକଳ ବିଭାଗ ଘଟଣା ସ୍ଥଳରେ ପହଞ୍ଚି ନିଆଁକୁ ଲିଭାଇବା ବେଳକୁ ସବୁକିଛି ପୋଡି ପାଉଁଶ ହୋଇଯାଇଥିଲା । ପ୍ରାଥମିକ ତଦନ୍ତରେ ପୂଜା ଦୋକାନରେ ଇଲେକ୍ଟ୍ରିକାଲ ସର୍ଟସର୍କିଟ କାରଣରୁ ନିଆଁ ଲାଗିଥିବା ଜଣାପଡିଛି ।

ନୂଆପଡାରୁ ମୋତିଲାଲ ବାଗ, ଇଟିଭି ଭାରତ