ନୂଆପଡା: ଭାଲୁ ଆକ୍ରମଣରେ ଜଣେ ଗୁରୁତର। ନୂଆପଡା ସିନାପାଲି ବ୍ଲକ ବରାପଦର ଗାଁରେ ଦେଖାଦେଇଛି ଭାଲୁ ଆତଙ୍କ। ଗୁରୁତର ଜଣକ ହେଲେ ବରପଦର ଗାଁର ରୂପଧର ମାଝୀ। ସେ ସକାଳୁ ଗାଧୋଇବାକୁ ନିକଟସ୍ଥ ପୋଖରୀକୁ ଯାଇଥିବାବେଳେ ଭାଲୁ ଆକ୍ରମଣର ଶିକାର ହୋଇଥିଲେ।
ଭିଡିଓ ସୌଜନ୍ୟ: ପ୍ରତିନିଧି, ନୂଆପଡା
ପୋଖରୀକୁ ଯାଇଥିବା ବେଳେ ଏକ ବଣୁଆ ଭାଲୁ ରୂପଧରଙ୍କ ଉପରେ ଅତର୍କିତ ଆକ୍ରମଣ କରିଥିଲା । ଆକ୍ରମଣରେ ରୂପଧରଙ୍କ ଗୋଡ ଏବଂ ହାତରେ ଆଘାତ ଲାଗିଛି। ଗୁରୁତର ରୂପଧରଙ୍କୁ ରକ୍ତ ଜୁଡୁବୁଡୁ ଅବସ୍ଥାରେ ସ୍ଥାନୀୟ ଲୋକ ଉଦ୍ଧାର କରି ପ୍ରଥମେ ଖଡ଼ିଆଳ ଚିକିତ୍ସାଳୟରେ ଭର୍ତ୍ତି କରିଥିଲେ।