ନୂଆପଡାରେ ନୂଆଁଖାଇ ଭେଟଘାଟ୍‌, ରସରକେଲିରେ ଝୁମିଲେ ଦର୍ଶକ

ନୂଆପଡାରେ ନୂଆଁଖାଇ ଭେଟଘାଟ୍ କାର୍ଯ୍ୟକ୍ରମ ଆନନ୍ଦ ଉତ୍ସାହରେ ପାଳିତ ହୋଇଯାଇଛି । ଏହି ଅବସରରେ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରାଯାଇଥିଲା ।

ନୂଆପଡା: ସହରର ପ୍ରମୁଖ ଖଡିଆଳ ସାଂସ୍କୃତିକ ଅନୁଷ୍ଠାନ ପକ୍ଷରୁ ନୂଆଁଖାଇ ଭେଟଘାଟ୍‌ କାର୍ଯ୍ୟକ୍ରମ ପାଳିତ ହୋଇଯାଇଛି । ପ୍ରଥମେ ନୂଆଁଖାଇ ପରେ ଜୁହାର ଭେଟଘାଟ ହୋଇଥିଲା । ଯେଉଁଥିରେ ସାମିଲ ହୋଇଥିଲେ ସହର ଶତାଧିକ ଲୋକ ।

ଡାଲଖାଇ, ରସରକେଲି, ଜାଇଫୁଲ ଓ ରଙ୍ଗବତୀ ଭଳି ଗୀତରେ ନୃତ୍ୟ ପରିବେଷଣ କରିଥିଲେ କଳାକାର । ଯାହାକୁ ଉପଭୋଗ କରିଥିଲେ ଶତାଧିକ ଲୋକେ । ଏହି ଅବସରେ ମୁଖ୍ୟ ଅତିଥି ଭାବେ ଖଡିଆଳ ବିଧାୟକ ଅଧିରାଜ ପାଣିଗ୍ରାହୀ ଓ ବ୍ଲକ ଚେୟାରମ୍ୟାନ ବାଳକୃଷ୍ଣ ଶବର ପ୍ରମୁଖ ଯୋଗ ଦେଇଥିଲେ ।

ନୂଆପଡାରୁ ମୋତିଲାଲ ବାଗ୍, ଇଟିଭି ଭାରତ