ନୂଆପଡା: ସଂସ୍କୃତ ସଂପନ୍ନ ଖଡ଼ିଆଳ ବସଷ୍ଟାଣ୍ଡ ନିକଟସ୍ଥ କଲ୍ୟାଣ ମଣ୍ଡପ ଠାରେ ସମଗ୍ର ପଶ୍ଚିମାଞ୍ଚଳ ଗୌରବ କୋଶଳ ରତ୍ନ ପଣ୍ଡିତ ପ୍ରୟାଗଦତ୍ତ ଯୋଶୀଙ୍କ ଜନ୍ମ ଜୟନ୍ତୀ ଅବସରରେ କୋଶଳ ସ୍ବାଭିମାନ ଦିବସ ପାଳିତ ହୋଇଯାଇଛି । ସ୍ବାଭିମାନ ଦିବସ ପାଳନ ଅବସରରେ ସମଗ୍ର ପଶ୍ଚିମାଞ୍ଚଳ ବାସୀ ବରଗଡ଼, ସମ୍ବଲପୁର, ବଲାଙ୍ଗିର, ସୋନପୁର, ଟିଟିଲାଗଡ଼, ଭବାନୀପାଟଣା, ନୂଆପଡା ଆଦି ଅଞ୍ଚଳରୁ ପଣ୍ଡିତ ପ୍ରୟାଗଦତ୍ତ ଯୋଶୀଙ୍କ ଶହଶହ ଅନୁଗାମୀ କୋଶଲି ଭାଷାର ଖଣି କୁହାଯାଉଥିବା ଖଡ଼ିଆଳ ସହରରେ ପାଦ ପକାଇଛନ୍ତି ।
କୋଶଳ ସ୍ବାଭିମାନ ଦିବସ ପାଳିତ
ପଣ୍ଡିତ ପ୍ରୟାଗଦତ୍ତ ଯୋଶୀଙ୍କ ବାସଭବନ ନିକଟସ୍ଥ ବଡ ଦଧିବାମନ ମନ୍ଦିର ପ୍ରାଙ୍ଗଣରୁ ଢୋଲ,ନିଶାନ,ତାସାର ତାଳେତାଳେ କୋଶଲି ସାଂସ୍କୃତିକ ଶୋଭାଯାତ୍ରା ସହର ପରିକ୍ରମା କରି ସଭାସ୍ଥଳରେ ପହଞ୍ଚିଥିଲା । ଆୟୋଜିତ କୋଶଲି ସ୍ବାଭିମାନ ଦିବସ ସାଂସ୍କୃତିକ ସଭାରେ ଡ ଫନିନ୍ଦମ ସିଂଦେଓ ଅଧ୍ୟକ୍ଷତା କରିଥିଲେ ।