ନୂଆପଡା: ଜିଲ୍ଲା ଖଡ଼ିଆଳ ପ୍ରଥମ ଶ୍ରେଣୀ ବିଚାର ବିଭାଗୀୟ କୋର୍ଟରେ ଅଘଟଣ । ଜଣେ କନିଷ୍ଠ କିରାଣୀ ବେକରେ ରଶି ଲଗାଇ ଆତ୍ମହତ୍ୟା କରିଥିବା ଜଣାପଡ଼ିଛି । ମୃତ କିରାଣୀଙ୍କ ପରିଚୟ ଅଭିଳାଷ କୁମାର ଜଗତ ବୋଲି ଜଣାପଡିଛି । ଅଭିଳାଷଙ୍କ ଗାଁ ନୂଆପଡା ଜିଲ୍ଲା ବୋଡେନରେ ବୋଲି ଜଣାପଡିଛି ।
ଭିଡିଓ ସୌଜନ୍ୟ: ପ୍ରତିନିଧି, ନୂଆପଡ଼ା
ପ୍ରାପ୍ତ ସୂଚନା ମତେ କିରାଣୀ ଅଭିଳାଷ ଜଗତ ଖରା ଛୁଟିରେ ନିଜ ଗାଁ ବୋଡେନ ଯାଇଥିଲେ । ତାଙ୍କର ଛୁଟି ଚଳିତ ମାସ 17 ତାରିଖ ପର୍ଯ୍ୟନ୍ତ ଥିଲା । ହେଲେ କୋର୍ଟରେ ପେଣ୍ଡିଂ କାମ କରାଇବା ପାଇଁ ତାଙ୍କୁ 12 ତାରିଖ ଠାରୁ କୋର୍ଟକୁ ଡକାଯାଇଥିଲା । ହେଲେ ମାନସୀକ ଚାପ ଯୋଗୁଁ ସେ ନିଜ ବେକରେ ରଶି ଲଗାଇ ଆତ୍ମହତ୍ୟା କରିଛନ୍ତି ବୋଲି ଅଭିଯୋଗ ହୋଇଛି ।