ନୂଆପଡା: ଜିଲ୍ଲାର ଧର୍ମବନ୍ଧା ଥାନା ଆମାନାରା ଗାଁରେ ଅଗ୍ନିକାଣ୍ଡ । ନିଆଁ ଲାଗି ବାସଗୃହ ସମେତ ମହିଳା ଜୀବନ୍ତ ଦଗ୍ଧ । ମହିଳା ଜଣକ ହେଲେ ରାମିନ ପଟେଲ ।
ସୂଚନାନୂଯାୟୀ, ଆମାନାରା ଗାଁର ଜଣେ ଅସହାୟ ମହିଳା ଉକ୍ତ ଗାଁ ଛକରେ ଏକ ଝୁମ୍ପୁଡି ଜଳଖିଆ ଦୋକାନ କରି ଗୁଜୁରାଣ ମେଣ୍ଟାଉଥିଲା । ତେବେ ମଙ୍ଗଳବାର ଦ୍ବିପହରରେ ହଠାତ ଦୋକାନ ଘରେ ନିଆଁ ଲାଗିଯାଇଥିଲା । କେହି କିଛି ବୁଝିବା ଆଗରୁ ହଠାତ ନିଆଁ ବ୍ୟାପିଯାଇଥିଲା । ଫଳରେ ଘର ଭିତରେ ମହିଳା ଜଣକ ଶ୍ବାସରୁଦ୍ଧ ହୋଇ ଜୀବନ୍ତ ଦଗ୍ଧ ହୋଇଯାଇଛନ୍ତି ।