ନୂଆପଡା: ଜିଲ୍ଲାର ବିଭିନ୍ନ ଧାନମଣ୍ଡିରେ ଲାଗି ରହିଛି ସମସ୍ୟା । ମଣ୍ଡିରେ ମିଲରଙ୍କ ରାଜୁତି ପାଇଁ ହନ୍ତସନ୍ତ ହେଉଛନ୍ତି ଚାଷୀ । ଟୋକନ ଥାଇ ବି ଚାଷୀ ଧାନ ବିକ୍ରି କରିପାରୁନି । ମଣ୍ଡିରେ ଏପରି ସମସ୍ୟାକୁ ନେଇ ଜିଲ୍ଲା ଦଳିତ ମଞ୍ଚ ଓ କୃଷକ ସଂଗଠନ ପକ୍ଷରୁ ସିନାପାଲି ଖଡିଆଳ ମୁଖ୍ୟ ରାସ୍ତା ଅବରୋଧ କରିଛନ୍ତି ଚାଷୀ ।
ମଣ୍ଡିରେ ସମସ୍ୟା ନେଇ ଚାଷୀଙ୍କ ରାସ୍ତା ଅବରୋଧ
ଟୋକନ ଲ୍ୟାପ୍ସ କରିଯିବାରୁ ମଣ୍ଡିରେ ଧାନ ବିକ୍ରି କରିପାରୁ ନାହାନ୍ତି ଚାଷୀ । ଧାନ ବିକ୍ରି ନ କରି ପାରି ଚିନ୍ତାରେ 19 ତାରିଖ ଦିନ ଧୁଙ୍ଗିଆମୁଣ୍ଡା ଗ୍ରାମର ଯୁବ ଚାଷୀ ରୋମାଞ୍ଚଳ ଦଣ୍ଡସେନା ଆତ୍ମହତ୍ୟା ଉଦ୍ୟମ କରିଛନ୍ତି । ଅନ୍ୟପଟେ ଉଠା ଜଳସେଚନ ଦ୍ବାରା 3ଏକର ଚାଷ ଜମିରେ ରବି ଫସଲ କରିଥିଲେ ରେମାଞ୍ଚଳ ଦଣ୍ଡସେନା । ବିଜୁଳି ଶୁଳ୍କ ପୈଠ କରି ନଥିବାରୁ ବିଭାଗ ପକ୍ଷରୁ ବିଜୁଳି କାଟି ଦେଇଥିବା ଅଭିଯୋଗ କରିଛନ୍ତି ଚଷୀ ।