ନୂଆପଡା: କୋରୋନାରେ ପ୍ରାଣ ହରାଇଲେ ଆଉ ଜଣେ କୋରୋନା ଯୋଦ୍ଧା ପୋଲିସ କର୍ମଚାରୀ । କୋଭିଡ ଯୋଦ୍ଧା ଜଣକ ନୂଆପଡା ଜିଲ୍ଲା ସଦର ଥାନାରେ କାର୍ଯ୍ୟରତ କନେଷ୍ଟବଳ ବୋଲି ଜଣାପଡିଛି । ଶନିବାର ରିଜର୍ଭ ପୋଲିସ ପଡିଆରେ ତାଙ୍କୁ ଶ୍ରଦ୍ଧାଞ୍ଜଳି ଦିଆଯାଇଛି ।
ଆୟୋଜିତ ଶ୍ରଦ୍ଧାଞ୍ଜଳି ସଭାରେ ନୂଆପଡା ଜିଲ୍ଲାପାଳ ସ୍ବଧା ଦେବ ସିଂ, ଆରକ୍ଷୀ ଅଧୀକ୍ଷକ ରାହୁଲ କୁମାର ଜୈନ, ପୋଲିସ ବାହିନୀ ସମେତ ଗଣମାଧ୍ୟମ ପ୍ରତିନିଧି ଉପସ୍ଥିତ ରହି ଅମର ଆତ୍ମାର ସଦଗତି କାମନା କରିଥିଲେ । ସ୍ବଗର୍ତ କୃଷ୍ଣ ଚନ୍ଦ୍ର ମାଝୀ ଜଣେ ଶାନ୍ତ, ଶିଷ୍ଟ , ମିଷ୍ଟ ଭାସି ସର୍ବପରି ଧର୍ମ ପରାୟଣ ବ୍ୟକ୍ତି ଥିଲେ । କର୍ମମୟ ପୋଲିସ ଚାକିରିରେ 1992 ମସିହାରେ ସେ କଳାହାଣ୍ଡି ଜିଲ୍ଲାରେ ଯୋଗଦେଇ ଥିଲେ । ପରେ 1993 ମସିହାରେ ନୂଆପଡା ଜିଲ୍ଲାରେ ଯୋଗଦେଇ ଜାଗ୍ରତ ପ୍ରହରୀ ରୂପେ ଅଦ୍ୟାବଧି ପୋଲିସ ବିଭାଗରେ କାମକରି ଆସୁଥିଲେ।
ନୂଆପଡ଼ାରୁ ମୋତିଲାଲ ବାଗ, ଇଟିଭି ଭାରତ