ବେକରେ ରଶି ଲଗାଇ ଯୁବକଙ୍କ ଆତ୍ମହତ୍ୟା

ନୂଆପଡା ଜିଲ୍ଲା ବୋଡେନ ଥାନା ଅନ୍ତର୍ଗତ ପଲସଦା ତେତେଲଖୁଣ୍ଟି ଗାଁରେ ଏହି ଘଟଣା ଘଟିଛି । ମୃତ ଯୁବକ ଜଣକ ନାମ ରୂପସିଂ ମାଝୀ ବୋଲି ଜଣାପଡିଛି ।

ନୂଆପଡା: ବେକରେ ରଶି ଲଗାଇ ଯୁବକଙ୍କ ଆତ୍ମହତ୍ୟା ଅଭିଯୋଗ । ନୂଆପଡା ଜିଲ୍ଲା ବୋଡେନ ଥାନା ଅନ୍ତର୍ଗତ ପଲସଦା ତେତେଲଖୁଣ୍ଟି ଗାଁରେ ଏହି ଘଟଣା ଘଟିଛି । ମୃତ ଯୁବକ ଜଣକ ନାମ ରୂପସିଂ ମାଝୀ ବୋଲି ଜଣାପଡିଛି । ସେ ବେକରେ ରସି ଲଗାଇ ନିକଟସ୍ଥ ଧର୍ଣ୍ଣି ଡୁଙ୍ଗରି ଜଙ୍ଗଲରେ ଆତ୍ମହତ୍ୟା କରିଥିବା ଜଣାପଡ଼ିଛି ।

ସୂଚନା ଅନୁସାରେ, ଗତ 15 ଦିନ ପୂର୍ବରୁ ପଲସଦା ତେତେଲଖୁଣ୍ଟି ଗାଁର ରୂପସିଂ ପାରିବାରିକ କଳହକୁ ନେଇ ନିଖୋଜ ଥିଲେ । ପରିବାର ଲୋକେ ବହୁ ଖୋଜାଖୋଜି କରି ନପାଇବା ପରେ ବୋଡେ଼ନ ଥାନାରେ ଅଭିଯୋଗ କରିଥିଲେ ।

ଉଭୟ ପରିବାର ଲୋକେ ଓ ବୋଡେନ ପୋଲିସ ନିଖୋଜ ରୂପସିଂଙ୍କୁ ଖୋଜି ବାହାର କରିବା ପାଇଁ ତଦନ୍ତ ଚଳାଇ ଥିଲେ । ଆଜି(ଗୁରୁବାର) ନିକଟସ୍ଥ ଧର୍ଣ୍ଣି ଡୁଙ୍ଗରି ଜଙ୍ଗଲରେ ଦୁର୍ଗନ୍ଧ ହେବାରୁ ସ୍ଥାନୀୟ ଲୋକେ ଜଙ୍ଗଲ ସାରା ଖୋଜି ଥିଲେ ।

ହଠାତ୍ ଏକ ଗଛରେ ନିଖୋଜ ରୂପସିଂଙ୍କ ଗଳିତ ମୃତଦେହ ଝୁଲୁଥିବା ଦେଖିବାକୁ ପାଇଥିଲେ । ଘଟଣାଟି ଆତ୍ମହତ୍ୟା ନା ହତ୍ୟା କାରଣ ଅସ୍ପଷ୍ଟ ଥିବାବେଳେ,ବୋଡେନ ପୋଲିସ ତଦନ୍ତ ଚଳାଇଛନ୍ତି ।

ନୂଆପଡାରୁ ମୋତିଲାଲ ବାଗ, ଇଟିଭି ଭାରତ