ନୂଆପଡା: ଜିଲ୍ଲା ପୋଲିସକୁ ଏକ ବଡ ସଫଳତା ମିଳିଛି । ତିନି ଦୁର୍ଦ୍ଦାନ୍ତ ଡକାୟତକୁ ଗିରଫ କରିବା ସହ , ୭ଲକ୍ଷ ୭୦ ହଜାର ଟଙ୍କା ଜବତ କରିଛି । ଏଥିସହିତ ସେମାନଙ୍କ ପାଖରୁ ୨ଟି ମୋଟର ସାଇକେଲ ସହ ୨୭ଟି ମୋବାଇଲ ଫୋନକୁ ଜବତ କରିବାରେ ସଫଳ ହୋଇଥିବା ନୂଆପଡା ପୋଲିସ । ଏନେଇ ଆଜି ନୂଆପଡା ଆରକ୍ଷୀ ଅଧିକ୍ଷକ ସ୍ମିତ.ପି ପରମାର ପ୍ରେସମିଟରେ ସୂଚନା ଦେଇଛନ୍ତି ।
ଗତ ଜୁନ 28 ତାରିଖରେ ଦିନ ଦ୍ୱିପ୍ରହରେ ନୂଆପଡା ବ୍ଳକ ଡୁମେରାପାଣି ଗାଁରୁ ହୋଇଥିଲା ଲୁଟ । ପାଣି ପଞ୍ଚାୟତ ସଭାପତି ହୀରଣ ସାହୁ ସମ୍ପାଦକ ଜୈନ ସିଂ ମାଝୀ ନୂଆପଡା ଏସବିଆଇ ବ୍ୟାଙ୍କକୁ ଟଙ୍କା ଉଠାଇବା ପାଇଁ ଆସିଥିଲେ । ୧୦ ଲକ୍ଷ ଟଙ୍କା ଉଠାଇ ଫେରୁଥିବା ବେଳେ ଡକାୟତ ଦଳ କାବୁକରି ଟଙ୍କା ଲୁଟିନେଇଥିଲେ ।
ଭିଡିଓ ସୌଜନ୍ୟ : ପ୍ରତିନିଧି,ନୂଆପଡା