ନୟାଗଡ:ଜିଲ୍ଲା ପୋଲିସକୁ ମିଳିଲା ସଫଳତା । ଦୀର୍ଘ ଦିନ ଧରି ପୋଲିସର ନିଦ ହଜାଇ ଥିବା 2 ଆନ୍ତଃରାଜ୍ୟ ଲୁଟେରାକୁ ଗିରଫ କରିଛି ପୋଲିସ । ଏହାସହ ସେମାନଙ୍କଠାରୁ 103ଗ୍ରାମ ସୁନା ଓ 520 ଗ୍ରାମ ରୁପା ଅଳଙ୍କାର ଜବତ କରାଯାଇଛି ।
୨ ଅନ୍ତରାଜ୍ୟ ଲୁଟେରା ଗିରଫ
ସେପ୍ଟେମ୍ବର ମାସ 27ତାରିଖରେ ନୟାଗଡ଼ ଜିଲ୍ଲା ଭାପୁର ବ୍ଲକ ବଡ଼ସହରା ପଞ୍ଚାୟତ ଜାମୁସାହି ଗ୍ରାମର ସଞ୍ଜୟ ସାହୁଙ୍କ ଘରୁ 5ଲକ୍ଷ ଟଙ୍କାରୁ ଊର୍ଦ୍ଧ୍ବ ଟଙ୍କାର ଅଳଙ୍କାର ସହ ନଗଦ 2ଲକ୍ଷ ଟଙ୍କା ଚୋରି ହୋଇଥିବା ନେଇ ଫତେଗଡ ଥାନାରେ ଏକ ଲିଖିତ ଅଭିଯୋଗ ହୋଇଥିଲା l ଏନେଇ ଫତେଗଡ ପୋଲିସ ପକ୍ଷରୁ 188/22ରେ ଏକ ମାମଲା ରୁଜୁ କରି ତଦନ୍ତ ଚଲାଇ ଥିବା ବେଳେ ଭାପୁର ବ୍ଲକ ଶାସନ ପଞ୍ଚାୟତ ଟିକିରିପଡା ଗ୍ରାମର ବିଜୟ ମହାନ୍ତିକୁ ସନ୍ଦେହ କରି ଫତେଗଡ ଥାନା ASI ରମେଶ ଚନ୍ଦ୍ର ଜେନା ଗିରଫ କରିବା ସହିତ ଥାନାରେ ଅଟକ ରଖି ପଚାରାଉଚରା କରୁଥିଲା l ଏହି ସମୟରେ ସବୁ ସତ ମାନିବା ସହିତ ଅନ୍ୟ ଏକ ସହଯୋଗୀ ପ୍ରଭାତ ନାୟକକୁ ଖଣ୍ଡପଡା ଠାରୁ ଗିରଫ କରିବାରେ ସକ୍ଷମ କରିଥିଲା ଫତେଗଡ ପୋଲିସ l