ନୟାଗଡ଼: ମହାମାରୀ ସମୟରେ ବାହାରକୁ ବାହାରି ଲୋକଙ୍କୁ ସଚେତନତା ଏବଂ ଶୁଖିଲା ଖାଦ୍ୟ ବଣ୍ଟନ କଲେ ଯୁବ ଗୋଷ୍ଠୀ । ନୟାଗଡ ଜ଼ିଲ୍ଲା ରଣପୁର ବ୍ଲକର ବନ୍ଧମୁଣ୍ଡା ଗ୍ରାମ ପଞ୍ଚାୟତ ଦୁର୍ଗମ ମାଳ ଅଞ୍ଚଳ ହୋଇଥିବାରୁ ଏବେବି ଲୋକମାନେ କରୋନା ସମ୍ପର୍କରେ ଅବଗତ ନାହାଁନ୍ତି । ଅନେକ କୋରୋନାର ଭୟାଭହତାକୁ ବୁଝୁ ନାହାଁନ୍ତି । ସେମାନଙ୍କୁ କୋରୋନା ସମ୍ପର୍କରେ ସଚେତନ କରିବା ପାଇଁ ଆଗେଇ ଆସିଛନ୍ତି ରଣପୁର ଯୁବଶକ୍ତି ସଂଗଠନର ଯୁବ ସଦସ୍ୟମାନେ ।
ମହାମାରୀ ସଚେତନତା ସହ ଶୁଖିଲା ଖାଦ୍ୟ ବଣ୍ଟନ କଲେ ଯୁବଗୋଷ୍ଠୀ
ଯୁବଶକ୍ତି ସଂଗଠନ ତରଫରୁ ଲୋକମାନଙ୍କୁ ମାସ୍କ, ସାନିଟାଇଜର, ସାବୁନ ଇତ୍ୟାଦି ବଣ୍ଟନ କରିବା ସହ କୋରୋନା ଦାଉରୁ କିପରି ରକ୍ଷା ପାଇବା ସେ ସମ୍ପର୍କରେ ସଚେତନ କରାଇଛନ୍ତି । ଏବଂ ଗତ ଦୁଇଦିନ ତଳେ ଚାଲିଯାଇଥିବା ୟସ ବାତ୍ୟାରେ ପ୍ରଭାବିତ ହୋଇଥିବା ଲୋକଙ୍କୁ ଶୁଖିଲା ଖାଦ୍ୟ ଯେପରିକି ଚୁଡା, ଗୁଡ଼, କଦଳୀ, ବିସ୍କୁଟ ଆଦି ପ୍ରଦାନ କରିଛନ୍ତି l