ନୟାଗଡ଼ : ଜିଲ୍ଲାରେ ଦୁର୍ନୀତି ଆଉ ଟେଣ୍ଡର ଫିକ୍ସିଂ ଦିନକୁ ଦିନ ବୃଦ୍ଧି ପାଉଥିବା ବେଳେ ଏହା ବିରୋଧରେ ରାସ୍ତାକୁ ଓହ୍ଲାଇବ ଜିଲ୍ଲା ଯୁବ କଂଗ୍ରେସ । ଏନେଇ ଏକ ଜିଲ୍ଲା ଯୁବ କଂଗ୍ରେସର ବୈଠକରେ ରଣନୀତି ପ୍ରସ୍ତୁତ ହୋଇଛି । ନୟାଗଡ ଜିଲ୍ଲା ଯୁବ କଂଗ୍ରେସ ସାଙ୍ଗଠନିକ ସଭା ଜିଲ୍ଲା କଂଗ୍ରେସ ସଭାପତି ଆଇନଜୀବୀ ରଣଜିତ ଦାଶଙ୍କ ଅଧ୍ୟକ୍ଷତାରେ ସ୍ଥାନୀୟ ରୋଟାରି ଭବନ ଠାରେ ଏହି ବୈଠକ ଅନୁଷ୍ଠିତ ହୋଇଛି ।
ଏଥିରେ ନୟାଗଡ ଜିଲ୍ଲା ପାଇଁ ନବ ନିଯୁକ୍ତ ଯୁବକଂଗ୍ରେସ କାର୍ଯ୍ୟକାରୀ ସଭାପତି ପ୍ରତୀକ ମହାପାତ୍ର ଏବଂ ମିର ଅବୁବକର ସିଦ୍ଧିକଙ୍କୁ ସମ୍ବର୍ଦ୍ଧନା ଦିଆଯାଇଥିଲା l ଏହି ସାଙ୍ଗଠନିକ ସଭାରେ ପ୍ରଦେଶ ଯୁବ କଂଗ୍ରେସ ସଭାପତି ଡ଼ ସ୍ମୃତିରଞ୍ଜନ ଲେଙ୍କା, ଜିଲ୍ଲା କଂଗ୍ରେସ ପୂର୍ବ କାର୍ଯ୍ୟକାରୀ ସଭାପତି ହୁସେନ ଖାଁ, ମନୋଜ ସାହୁ, କମଳ ଚରଣ ସାହୁ, ରାଜୀବ ଗାନ୍ଧୀ ପଞ୍ଚାୟତରାଜ ସଂଗଠନ ଜିଲ୍ଲା ସଂଯୋଜକ ସୁକାନ୍ତ ଶତପଥୀ, ସଂଖ୍ୟାଲଘୁ ସେଲ ଅଧ୍ୟକ୍ଷ ଆମଜାଦ ଖାଁ, ରାଜ୍ୟ ଯୁବ କଂଗ୍ରେସ ସାଧାରଣ ସମ୍ପାଦକ ନଳିନୀକାନ୍ତ ନାୟକ ଏବଂ ରାଜ୍ୟ ଯୁବକଂଗ୍ରେସ ଆଇନ ସେଲ ଅଧ୍ୟକ୍ଷ ଆଦିତ୍ୟ ପ୍ରସାଦ ପରିଡା ପ୍ରମୁଖ ଉପସ୍ଥିତ ଥିଲେ ।