ନୟାଗଡ଼: ଲଘୁଚାପ ଜନିତ ବର୍ଷା କାହା ପାଇଁ ଆଶୀର୍ବାଦ ତ ଆଉ କାହା ପାଇଁ ଅଭିଶାପ ପାଲଟିଛି । ନୟାଗଡ ଜିଲ୍ଲାରେ ଲଗାଣ ବର୍ଷା ଯୋଗୁଁ ଏବେ ଜଳବନ୍ଦୀ ହୋଇ ଅଛନ୍ତି ଗଣିଆ ବ୍ଲକର ଶତାଧିକ ପରିବାର । ଘରେ ପାଣି ପଶିଯାଇଥିବାରୁ ନାଁ ଖାଇବାକୁ ମିଳୁଛି ନାଁ ମୁଣ୍ଡ ଗୁଞ୍ଜିବାକୁ ସ୍ଥାନ । ଫଳରେ ଘଣ୍ଟା ଘଣ୍ଟା ଧରି ଅନ୍ଧାରରେ ରହିବା ସହ ଉପାସ ରହିଛନ୍ତି ଅନେକ ପରିବାର ।
ଲଗାଣ ବର୍ଷାରେ ଗଣିଆରେ ପଶିଲା ପାଣି, ଉପାସରେ ଶତାଧିକ ପରିବାର
ଗଣିଆ ବ୍ଲକର ଓସ୍ତିଆ, ବସନ୍ତପୁର, ଗୋଛବାରି ଗ୍ରାମରେ ଥିବା ଲୋକଙ୍କ ଘରେ ବର୍ଷା ପାଣି ପଶିଯିବାରୁ ଏବେ ଘର ବାହାରେ ଲୋକେ । କିଏ ଘରୁ ବର୍ଷା ପାଣି ନିଷ୍କାସନ କରୁଛି ତ ଆଉ କିଏ ଘରେ ବନ୍ଧ ଦେବାରେ ଲାଗିଛନ୍ତି । ପୁଣି କିଏ ନିରୁପାୟ ହୋଇ ପରିବାର ଲୋକଙ୍କୁ ନେଇ ଉଚ୍ଚ ସ୍ଥାନରେ ବସି ରହିଛନ୍ତି।