ନୟାଗଡ଼: ମହଙ୍ଗା ପଡିଲା ରେଳ ଷ୍ଟେସନରେ କିଛି ମଦ୍ୟପ ଭଙ୍ଗାରୁଜା ଘଟଣା । ଗତକାଲି ନୟାଗଡ ରେଳ ଷ୍ଟେସନରେ ଭଙ୍ଗାରୁଜା କରି ଷ୍ଟେସନ ମାଷ୍ଟରଙ୍କୁ ମାଡ ମାରିବା ଅଭିଯୋଗରେ ଶେଷରେ ଗିରଫ ହୋଇ ଚାକିରୀ ହରାଇଲେ ପୋଲିସ କନେଷ୍ଟବଳ ।
ଗତକାଲି(ସୋମବାର)ନୟାଗଡ଼ ରେଳ ଷ୍ଟେସନ କାର୍ଯ୍ୟାଳୟରେ ଆସବାପତ୍ରରେ ନିଆଁ ଲଗାଇବା ସହ ଷ୍ଟେସନ ମାଷ୍ଟରଙ୍କୁ ମାଡ଼ ମାରିଥିଲେ ନୟାଗଡ଼ ପୋଲିସ କନେଷ୍ଟବଳ ଚିତ୍ତରଞ୍ଜନ ଜେନା ଓରଫ ଫେଲୁ ଏବଂ ତାଙ୍କର 10 ଜଣ ସହଯୋଗୀ । ରବିବାର ବିଳମ୍ବିତ ରାତିରେ ଘଟିଥିଲା ଏହି ଘଟଣା ।
ନୟାଗଡ଼ ରେଳ ଷ୍ଟେସନରେ ମଦ୍ୟପଙ୍କ ଲଙ୍କାକାଣ୍ଡ
ସେଦିନ ବିଳମ୍ବିତ ରାତିରେ ଫେଲୁଙ୍କ ସହ ତାଙ୍କର ବନ୍ଧୁମାନେ ନୟାଗଡ଼ ରେଳ ଷ୍ଟେସନ ଭିତରେ ମଦ୍ୟପାନ କରୁଥିଲେ। ତେବେ ଷ୍ଟେସନ ପରିଚାଳକ ଏହାକୁ ଦେଖି ବିରୋଧ କରିଥିଲେ । ଏଥିରେ ଉତକ୍ଷିପ୍ତ ହୋଇ ଫେଲୁ ଏବଂ ତାଙ୍କର ସାଥିମାନେ ଷ୍ଟେସନ କର୍ମଚାରୀଙ୍କୁ ଭୟଭୀତ କରାଇ କାର୍ଯ୍ୟାଳୟରେ ଆତଙ୍କରାଜ୍ ଖେଳାଇଥିଲେ ।