ନୟାଗଡ଼: ଚାଲିଛି ପାର୍ବଣର ଋତୁ। ଚାରିଆଡ଼େ ପୂଜା ବଜାର ମାହୋଲ। ଚଳିତ ବର୍ଷ କୋରୋନା ପାଇଁ ସାର୍ବଜନୀନ ଦୁର୍ଗାପୂଜାକୁ ଜିଲ୍ଲା ପ୍ରଶାସନ ସଂପୂର୍ଣ୍ଣ ବାରଣ କରିଥିବା ବେଳେ ପୂଜା ମଣ୍ଡପରେ କିନ୍ତୁ ଭିଡ଼ ଅସମ୍ଭାଳ ହେବାରେ ଲାଗିଛି । କଟକଣାକୁ ଫୁ' କରି ପୂଜା ମଣ୍ଡପରେ ରୁଣ୍ଡ ହେଉଛନ୍ତି ଶତାଧିକ ଲୋକ । ମଣ୍ଡପକୁ ଯିବା ବେଳେ ମୁହଁରେ ରହୁନି ମାସ୍କ କି ସାମାଜିକ ଦୂରତା ।
ପୂଜା ମଣ୍ଡପରେ କୋଭିଡ଼ ନିୟମ କୁ ଫୁ: ମୁହଁରେ ନାହିଁ ମାସ୍କ, ରହୁନି ସାମାଜିକ ଦୂରତା
ନୟାଗଡ଼ ଜିଲ୍ଲାର ବିଭିନ୍ନ ସ୍ଥାନରେ ମା ଜଗତଜନନୀଙ୍କୁ ନିରାଡ଼ମ୍ବର ଭାବେ ପୂଜା କରାଯାଉଥିବା ବେଳେ ଅନେକ ପୂଜା ମଣ୍ଡପର କୋଭିଡ଼ ନିୟମକୁ ଲୋକେ ମାନୁନଥିବା ଦେଖିବାକୁ ମିଳିଛି l ମଣ୍ଡପରେ ସାଧାରଣ ଦର୍ଶନକୁ ବାରଣ କରାଯାଇଥିଲେ ମଧ୍ୟ ତାହାକୁ କେହି ମାନୁ ନାହାନ୍ତି । ନୟାଗଡ଼ର ବିଭିନ୍ନ ସ୍ଥାନରେ ଏଭଳି ଘଟଣା ଦେଖିବାକୁ ମିଳିଛି l କିନ୍ତୁ ଏସବୁ ସତ୍ତ୍ବେ ପ୍ରଶାସନ ପକ୍ଷରୁ କୋଭିଡ଼ ନିୟମକୁ କଡ଼ାକଡ଼ି କରାଯାଉ ନାହିଁ l