ନୟାଗଡ:ବହୁଚର୍ଚ୍ଚତ ନୟାଗଡ ନାବାଳିକା ହତ୍ୟା ମାମଲାରେ ହାଇକୋର୍ଟ ଯିବେ ପୀଡିତାଙ୍କ ମା’ । ମାମଲାରେ ସିବିଆଇ ତଦନ୍ତ ଦାବିରେ ସୁପ୍ରିମକୋର୍ଟଙ୍କ ଦ୍ବାରସ୍ଥ ହୋଇଥିଲେ ପୀଡିତାଙ୍କ ମା’ । ଆଜି ଏହି ମାମଲାର ଶୁଣାଣି କରି ସୁପ୍ରିମକୋର୍ଟ ହାଇକୋର୍ଟ ଯିବା ପାଇଁ ନିର୍ଦ୍ଦେଶ ଦେଇଛନ୍ତି ।
ଆଜି ସୁପ୍ରିମକୋର୍ଟଙ୍କ ରାୟ ଆସିବା ପରେ, ପୀଡିତାଙ୍କ ପିତା, ମାତା କହିଛନ୍ତି, ମାମଲାରେ ନ୍ୟାୟ ଦେବା ପାଇଁ ସୁପ୍ରିମକୋର୍ଟଙ୍କ ଦ୍ବାରସ୍ଥ ହୋଇଥିଲେ । ଏହି ମାମାଲାରେ ସୁପ୍ରିମକୋର୍ଟ ଶୁଣାଣି କରି ହାଇକୋର୍ଟ ଯିବା ପାଇଁ ନିର୍ଦ୍ଦେଶ ଦେବା ସହିତ ସୁପ୍ରିମକୋର୍ଟରେ ମାମଲାର ପରିସମାପ୍ତି ଘଟାଇଛନ୍ତି । ତେବେ ରାଜ୍ୟ ସରକାର ମାମଲାରେ, ନ୍ୟାୟ ଦେବା ପାଇଁ ଚାହୁଁନାହାନ୍ତି ବୋଲି ନିଜ ମତ ଦୋହରାଇଛନ୍ତି ପୀଡିତାଙ୍କ ମା’ ।
ନୟାଗଡ ନାବାଳିକା ହତ୍ୟା ମାମଲା; ହାଇକୋର୍ଟ ଯିବାକୁ ସୁପ୍ରିମକୋର୍ଟଙ୍କ ନିର୍ଦ୍ଦେଶ
ସୂଚନାଥାଉକି ନୟାଗଡର ଯଦୁପୁରରେ ଖେଳୁଥିବା ବେଳେ ଜନୈକ ନବାଳିକାକୁ ଅପହରଣ ପରେ ହତ୍ୟା କରିଥିବା ଅଭିଯୋଗ ହୋଇଥିଲା । ଏହା ପରେ କିଛି ଦିନ ପରେ ଅପହୃତା ନାବାଳିକାର କେଇ ଖଣ୍ଡ କଙ୍କାଳ ମିଳିଥିଲା ।