ନୟାଗଡ: ବାଲେଶ୍ବରରୁ ଜଣେ ମହିଳାଙ୍କୁ ଅପହରଣ କରି ଟ୍ରକ କଣ୍ଟେନରରେ ଦୀର୍ଘ 20ଦିନ ଗଣଦୁଷ୍କର୍ମ କରିବା ଓ ନୟାଗଡରେ ଅସହାୟ ତଥା ଗୁରୁତର ଅବସ୍ଥାରେ ମହିଳା ଜଣଙ୍କ ଠାବ ହେବା ଘଟଣାର ତଦନ୍ତ ପାଇଁ ସ୍ବତନ୍ତ୍ର ଟିମ ଗଠନ କଲା ନୟାଗଡ ପୋଲିସ । ନୟାଗଡ଼ ଏସପିଙ୍କ ନିର୍ଦ୍ଦେଶ କ୍ରମେ ଏହି ସ୍ବତନ୍ତ୍ର ଟିନ ଗଠନ କରାଯାଇଛି ।
ମହିଳାଙ୍କୁ ଅପହରଣ ଓ ଟ୍ରକରେ 20 ଦିନ ଦୁଷ୍କର୍ମ ଘଟଣା , ତଦନ୍ତ କରିବ ନୟାଗଡ ପୋଲିସର ସ୍ବତନ୍ତ୍ର ଟିମ
ମିଳିଥିବା ସୂଚନା ଅନୁସାରେ ବାଲେଶ୍ୱର ଜ଼ିଲ୍ଲା ଜଳେଶ୍ୱର ଥାନା ଅଞ୍ଚଳର ଜଣେ 26 ବର୍ଷୀୟା ମହିଳାଙ୍କୁ 2 ଜଣ ଯୁବକ ଏକ ଟ୍ରକରେ ଅପହରଣ କରି ଦୀର୍ଘ 20 ଦିନ ପର୍ଯ୍ୟନ୍ତ ଏକ କଣ୍ଟେଣର ଗାଡ଼ିରେ ମହିଳାଙ୍କୁ ଗଣଦୁଷ୍କର୍ମ କରୁଥିଲେ l 3ଦିନ ତଳେ ଖୋର୍ଦ୍ଧା ଜ଼ିଲ୍ଲା ବୋଲଗଡ଼ ରେଳ ଷ୍ଟେସନ ଠାରେ 2 ଯୁବକ ଓ ମହିଳା ଟ୍ରକରେ ଆସି ପହଞ୍ଚିଥିଲେ l ସେଠାରେ ମହିଳା ଜଣଙ୍କ କୌଶଳକ୍ରମେ ଅପରାଧୀଙ୍କ ଠାରୁ ଖସିଯିବାରେ ସକ୍ଷମ ହୋଇଥିଲେ । ମହିଳା ଜଣଙ୍କ ଅର୍ଦ୍ଧ ଉଲଗ୍ନ ଅବସ୍ଥାରେ ଫତେଗଡ଼ ଥାନା ଅଞ୍ଚଳରେ ବୁଲୁଥିବାବେଳେ ଖବର ପାଇଁ ଫତେଗଡ଼ ଥାନାଧିକାରୀ ତାଙ୍କୁ ଉଦ୍ଧାର କରିଥିଲେ ।