ନୟାଗଡ଼: ମରଣଯନ୍ତା ପାଲଟିଛି ନୟାଗଡ ଜିଲ୍ଲା ଲୋଧାଚୁଆ -ବେଗୁନିଆ ପୂର୍ତ୍ତ ବିଭାଗ ରାସ୍ତା । ଦୀର୍ଘ ଦିନ ଧରି ପିଚୁ ରାସ୍ତା ନିର୍ମାଣ କାର୍ଯ୍ୟ ଚାଲିଥିଲେ ବି କାମ ସାରି ପାରୁନାହାନ୍ତି ଠିକାଦାର l ଫଳରେ ପ୍ରତ୍ୟେକ ଦିନ ଛୋଟ ବଡ଼ ଦୁର୍ଘଟଣା ଘଟୁଛି l ପୁଣି ଏହି ରାସ୍ତାରେ କଳା ମୁଗୁନି ପଥର ଚୋରା ଚାଲାଣ ଦିନକୁ ଦିନ ବଢ଼ିବାରେ ଲାଗିଛି।
ସ୍ଥାଣୁ ପାଲଟିଛି ପ୍ରଶାସନ; ସରି ପାରୁନି ରାସ୍ତା କାମ, ବାରମ୍ବାର ଘଟୁଛି ଦୁର୍ଘଟଣା
ଏପଟେ ଗତ ଦୁଇଦିନ ଧରି ଏକ କଳାମୁଗୁନି ପଥର ବୋଝେଇ ଟ୍ରକ ରାସ୍ତାକଡ଼ରେ ଓଲଟିଯିବା ଫଳରେ ରାସ୍ତାରେ ଯାତାୟାତ ଏକ ପ୍ରକାର ଠପ ହୋଇଯାଇଛି l ଏହି ରାସ୍ତା ଉପରେ ନିର୍ଭର କରି ନିତିଦିନିଆ ଯିବା ଆସିବା କରୁଥିବା ଛାତ୍ରଛାତ୍ରୀଙ୍କଠାରୁ ଆରମ୍ଭ କରି ଜନସାଧାରଣ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଛନ୍ତି।