ନୟାଗଡ଼: କଞ୍ଚାମାଲର ଅଭାବ ଓ ପରିଶ୍ରମ ଅନୁସାରେ ପାରିଶ୍ରମିକ ନମିଳିବା ଯୋଗୁଁ ଦିନକୁ ଦିନ କଂସାରି କାରିଗରମାନେ ଏହି ହସ୍ତଶିଳ୍ପ ପ୍ରତି ଆଗ୍ରହ ରଖୁ ନଥିବା ଦେଖାଯାଉଛି । ତେବେ ଏହି ସମସ୍ୟାର ସମାଧାନ ପାଇଁ କଂସାରୀ ସମାଜର 47ତମ ବୈଠକ ଅନୁଷ୍ଠିତ ହୋଇଯାଇଛି । ଶହ ଶହ ଶିଳ୍ପୀମାନେ ରାଜ୍ୟ ସରକାରଙ୍କ ଉଦ୍ଦେଶ୍ୟରେ ଏକ ଦାବି ପତ୍ର ପଠାଇଥିବା ଜଣାପଡିଛି । ତେବେ ଏଥିରେ ରଣପୁର ବିଧାୟକ ସତ୍ୟ ନାରାୟଣ ପ୍ରଧାନ, ଖଣ୍ଡପଡା ପୂର୍ବତନ ବିଧାୟକ ଅନୁଭବ ପଟ୍ଟନାୟକ ଅତିଥି ରୂପେ ଯୋଗ ଦେଇଥିଲେ ।
ଭିଡିଓ ସୌଜନ୍ୟ: ପ୍ରତିନିଧି, ନୟାଗଡ
ବାହାର ରାଜ୍ୟରେ ମେସିନ ଦ୍ୱାରା କଂସା ବାସନ ଓ ପିତଳ କାମ ସହଜରେ ହୋଇ ଆମ ଓଡିଶାରେ ବିକ୍ରି ହେଉଛି । କିନ୍ତୁ ଆମ ଓଡ଼ିଶାର ଶିଳ୍ପୀମାନଙ୍କୁ ଯଦି ନୂତନ ଜ୍ଞାନ କୌଶଳ ଦ୍ୱାରା ତାଲିମ ଦେଇ, ମେସିନ ଦ୍ୱାରା କଂସା ବାସନ ନିର୍ମାଣ ହୁଅନ୍ତା, ଓଡ଼ିଶାର ହସ୍ତ ଶିଳ୍ପୀମାନେ ଏହି କୌଳିକ ବୃତି ପ୍ରତି ଆକୃଷ୍ଟ ହୁଅନ୍ତେ ।