ନୟାଗଡ଼: ତ୍ରିସ୍ତରୀୟ ପଞ୍ଚାୟତ ନିର୍ବାଚନ ପାଇଁ ନାମାଙ୍କନ ଦାଖଲ ପ୍ରକ୍ରିୟା ଶେଷ ହୋଇଛି । ଶେଷ ଦିନରେ ନୟାଗଡ଼ ଜିଲ୍ଲାରେ ମୋଟ ୩ ହଜାର ୯୯ ଜଣ ପ୍ରାର୍ଥୀ ନାମାଙ୍କନ ଦାଖଲ କରିଛନ୍ତି । ଉପଜିଲ୍ଲାପାଳଙ୍କ କାର୍ଯ୍ୟାଳୟରେ ନାମାଙ୍କନ ଦାଖଲ କରିଛନ୍ତି ଜିଲ୍ଲାର ୨୪ଟି ଜୋନ୍ର ପ୍ରାର୍ଥୀ l ଶେଷ ଦିନରେ କିଛି ଘଣ୍ଟା ପୂର୍ବରୁ ବିଜେଡି ନିଜର ପ୍ରାର୍ଥୀ ଘୋଷଣା କରିଥିଲା ।
Odisha Panchayat Election: ନୟାଗଡ଼ରେ ୩୦୯୯ ଜଣଙ୍କ ନାମାଙ୍କନ ଦାଖଲ
ପ୍ରାର୍ଥୀମାନେ ନିଜ ନିଜର ସମର୍ଥକଙ୍କୁ ନେଇ ଉପଜିଲ୍ଲାପାଳଙ୍କ କାର୍ଯ୍ୟାଳୟରେ ପହଞ୍ଚିଥିଲେ । କଂଗ୍ରେସ ଗୁରୁବାରଠାରୁ ଅନେକ ପ୍ରାର୍ଥୀଙ୍କ ନାମାଙ୍କନ କରିଥିବା ବେଳେ ଅବଶିଷ୍ଟ ଶୁକ୍ରବାର ନାମାଙ୍କନ କରିଛନ୍ତି l ତେବେ ବିଜେଡି ଏବଂ ବିଜେପି ମଧ୍ୟରେ କଡ୍ଡା ଟକ୍କର ହେବା ନେଇ ରାଜନୈତିକ ମହଲରେ ଚର୍ଚ୍ଚା ଜୋର ଧରିଛି । ସେପଟେ ବିଜେଡି ସମସ୍ତ ଆସନ ଅକ୍ତିଆର କରିବ ବୋଲି ଦୃଢ଼ୋକ୍ତି ଦେଇଛି ।