ନୟାଗଡ଼: ସ୍କୁଲ ପିଲାଙ୍କୁ ଦିଆଯାଉଛି ପୋକରା ଚାଉଳ । ଏପରି ଅଭିଯୋଗ ହୋଇଛି ନୟାଗଡ଼ ଜିଲ୍ଲା ନୂଆଗାଁ ବ୍ଲକ ମାଇଛେଳି ପଞ୍ଚାୟତ କୋଷାକଟା ଗ୍ରାମ ସ୍ଥିତ କୋଷାକଟା ଉଚ୍ଚ ପ୍ରାଥମିକ ବିଦ୍ୟାଳୟରେ। ଛାତ୍ରଛାତ୍ରୀଙ୍କୁ ପୋକରା ଚାଉଳ ଦିଆଯାଉଥିବା ଅଭିଯୋଗ ହୋଇଛି।
ସ୍କୁଲରେ ନୂଆ ଚାଉଳ ଷ୍ଟକ୍ ଥିବା ବେଳେ ବହୁ ମାସରୁ ରହିଥିବା ଏହି ବିଣ୍ଡା ଚାଉଳକୁ ଛାତ୍ରଛାତ୍ରୀଙ୍କୁ ବଣ୍ଟା ଯାଉଛି । ଛାତ୍ରଛାତ୍ରୀମାନେ ଅଭିଯୋଗ କରିବାରୁ ଏହି ପୁରୁଣା ଚାଉଳ ସରିଲେ ନୂଆ ଷ୍ଟକରୁ ଚାଉଳ ଦିଆଯିବ ବୋଲି ଶିକ୍ଷକ କହୁଥିବା ଅଭିଯୋଗ କରିଛନ୍ତି । ତେବେ ଚାଉଳ ସବୁ ଷ୍ଟକ୍ ରହିଲା କିପରି ବୋଲି ପ୍ରଶ୍ନବାଚୀ ସୃଷ୍ଟି ହୋଇଛି । ଯେଉଁ ଚାଉଳ ଛାତ୍ରଛାତ୍ରୀଙ୍କୁ ଦିଆଯାଉଛି ସେ ଚାଉଳକୁ ଖାଇଲେ ଛାତ୍ରଛାତ୍ରୀଙ୍କ ସ୍ବାସ୍ଥ୍ୟ ଅବସ୍ଥା କ'ଣ ହେବ ସେ ନେଇ ସନ୍ଦେହ ଉପୁଜୁଛି । ଏଥିପ୍ରତି ଧ୍ୟାନ ଦେବାକୁ ଅଭିଭାବକମାନେ ବିଭାଗୀୟ ଉଚ୍ଚ କର୍ତ୍ତୃପକ୍ଷ ନିକଟରେ ଦାବି କରିଛନ୍ତି ।
ନୟାଗଡ଼ରୁ ଜୟେନ୍ଦ୍ର ବେହେରା, ଇଟିଭି ଭାରତ
