ନୟାଗଡ଼ : ନୟାଗଡ଼ ପୋଲିସକୁ ସଫଳତା । କୁଖ୍ୟାତ ଲୁଟେରା ଚାମୁ ମହନ୍ତକୁ ଗିରଫ କରିଛି ନୟାଗଡ଼ ପୋଲିସ । ପାଗଳ ବେଶରେ ନୟାଗଡ଼ରେ ଲୁଟପାଟ୍ କରି ଆତଙ୍କ ସୃଷ୍ଟି କରିଥିଲା ଲୁଟେରା ଚାମୁ । ଏହି ଅଭିଯୁକ୍ତର ଘର କେନ୍ଦୁଝର ଜିଲ୍ଲା ଯୋଡ଼ା ଅଞ୍ଚଳରେ ବୋଲି ଜଣାପଡ଼ିଛି । ଚାମୁ ମହନ୍ତ ନାଁରେ କେନ୍ଦୁଝର ଜିଲ୍ଲାର ବିଭିନ୍ନ ଥାନାରେ ୮ଟି ରାହାଜନୀ ମାମଲା ରହିଛି ।
ପାଗଳ ବେଶଧାରୀ ଲୁଟେରା ଚାମୁ ଗିରଫ, ସୁନା ଅଳଙ୍କାର ଜବତ
ସୂଚନା ଅନୁସାରେ, ଗତ କିଛିଦିନ ହେଲା କୁଖ୍ୟାତ ଲୁଟେରା ଚାମୁ କେନ୍ଦୁଝରରୁ ନୟାଗଡ଼କୁ ବସ୍ ଯୋଗ ଆସିଥିଲା । ସେଠାରେ ନିଜର ବେଶ ବଦଳାଇ ପାଗଳ ବେଶ ଧାରଣ କରି ରାତିରେ ଲୁଟପାଟ୍ କରୁଥିଲା । ଏପରିକି ସେ ସ୍ଥାନୀୟ ଲୋକଙ୍କ ଘରେ ପଶି ଲୁଟ୍ କରୁଥିଲା । ଏନେଇ ଥାନାରେ ଅଭିଯୋଗ ମଧ୍ୟ ହୋଇଛି । ହେଲେ ପୋଲିସ ଏହି ଲୁଟେରାର ଟେର୍ ପାଉନଥିଲା ।