ନୟାଗଡ: ସ୍ତ୍ରୀକୁ ହତ୍ୟା କଲା ସ୍ବାମୀ । ପରକୀୟା ପ୍ରୀତି ଅଭିଯୋଗରେ ସ୍ତ୍ରୀକୁ ସ୍ବାମୀ ହତ୍ୟା କରିଥିବା ଅଭିଯୋଗ ଆସିଛି । ଏପରି ଏକ ଅଭାବନୀୟ ଘଟଣା ନୟାଗଡ ଜିଲ୍ଲା ସଦରଥାନା ଅନ୍ତର୍ଗତ ଜଗନ୍ନାଥପୁର ଗାଁରେ ଦେଖିବାକୁ ମିଳିଛି ।
କାଳ ହେଲା ପରକୀୟା ପ୍ରୀତି
ଗ୍ରାମର ସନ୍ତୋଷ ବେହେରା ତାଙ୍କ ସ୍ତ୍ରୀ ଗୀତାଞ୍ଜଳି ବେହେରାଙ୍କୁ ହତ୍ୟା କରିଛନ୍ତି । ସୂଚନା ଅନୁଯାୟୀ ଗୀତାଞ୍ଜଳି ତାଙ୍କ ସ୍ବାମୀଙ୍କୁ ଛାଡି ସ୍ବାମୀଙ୍କ ସାଙ୍ଗ ଅଟୋ ଚାଳକଙ୍କ ସହ ପଳାଇଥିଲେ । ଏନେଇ ସନ୍ତୋଷ ଜାଣିବା ପରେ କୌଶଳକ୍ରମେ ଗୀତାଞ୍ଜଳିଙ୍କୁ ଘରକୁ ଡକାଇଥିଲେ । ଗୀତାଞ୍ଜଳି ଘରକୁ ଆସିବା ପରେ ସନ୍ତୋଷ ସାଇକେଲ ଚେନରେ ଗୀତାଞ୍ଜଳିଙ୍କ ତଣ୍ଟିଚିପି ହତ୍ୟା କରିଛନ୍ତି ।