ନୟାଗଡ଼: ଥମୁନି ନିଶା କାରବାର । ନୟାଗଡ଼ ଜିଲ୍ଲା କଣ୍ଟିଲୋରୁ ଜବତ ହେଲା ଗଞ୍ଜେଇ । ଗଣିଆ ରାସ୍ତାର ରାଜକିଆରୀ ଛକରେ ଖଣ୍ଡପଡା ପୋଲିସର ଯାନବାହାନ ଯାଞ୍ଚବେଳେ ଏକ ବାଇକ ଡିକିରୁ 2 କେଜିରୁ ଊର୍ଦ୍ଧ୍ବ ଗଞ୍ଜେଇ ଜବତ କରାଯାଇଛି ।
ବାଇକ ଡିକିରୁ 2 କେଜିରୁ ଊର୍ଦ୍ଧ୍ବ ଗଞ୍ଜେଇ ଜବତ, ଜଣେ ଗିରଫ - 1 arrest
ନୟାଗଡ଼ ଜିଲ୍ଲା କଣ୍ଟିଲୋ ଗଣିଆ ରାସ୍ତାର ରାଜକିଆରୀ ଛକରେ ଏକ ବାଇକ ଡିକିରୁ ଖଣ୍ଡପଡା ପୋଲିସ ଜବତ କଲା 2 କେଜିରୁ ଊର୍ଦ୍ଧ୍ବ ଗଞ୍ଜେଇ । କନ୍ଧମାଳ ଜିଲ୍ଲା ବାଲିଗୁଡା ଅଞ୍ଚଳର ପ୍ରହ୍ଲାଦ ଘଡେଇକୁ ଏହି ମାମଲାରେ ଗିରଫ କରାଯାଇଛି ।
ଫଟୋ ସୌଜନ୍ୟ: ପ୍ରତିନିଧି, ନୟାଗଡ଼ା
ଗଞ୍ଜେଇ ବେପାରୀ କନ୍ଧମାଳ ଜିଲ୍ଲା ବାଲିଗୁଡା ଅଞ୍ଚଳର ପ୍ରହ୍ଲାଦ ଘଡେଇକୁ ଗିରଫ କରାଯାଇଛି । ଏହାସହ ଅଭିଯୁକ୍ତର ବାଇକ ମଧ୍ୟ ଜବତ କରାଯାଇଛି । ବାଲିଗୁଡା ଅଞ୍ଚଳରୁ ଖଣ୍ଡପଡ଼ା ଅଞ୍ଚଳକୁ ବାଇକ ଯୋଗେ ଚୋରାରେ ଗଞ୍ଜେଇ ଚାଲାଣ ହେଉଥିବାବେଳେ ପୋଲିସ ହାବୁଡରେ ପଡିଥିଲା ପ୍ରହ୍ଲାଦ । ଏନେଇ ସୂଚନା ଦେଇଛନ୍ତି ଖଣ୍ଡପଡ଼ା ଥାନା ଆଇଆଇସି ବିମଳ କୁମାର ମଲ୍ଲିକ । ଏ ସମ୍ପର୍କରେ ଖଣ୍ଡପଡ଼ା ଥାନାରେ ଏକ ମାମଲା ରୁଜୁ ହୋଇଛି ।
ନୟାଗଡ଼ରୁ ଉତ୍ପଳ ସାହୁ, ଇଟିଭି ଭାରତ