ନୟାଗଡ଼: ଜିଲ୍ଲାସ୍ଥିତ ଗଣିଆ ବ୍ଲକ ଅନ୍ତର୍ଗତ କିଶୋରପ୍ରସାଦ ଗ୍ରାମ ପଞ୍ଚାୟତ ଗୋପାଳ ପ୍ରାସଦ ଗ୍ରାମରେ ଅଗ୍ନିକାଣ୍ଡ ଘଟି ଦୁଇ ବଖରା ଘର ସହିତ ଲକ୍ଷାଧିକ ଟଙ୍କାର ଜିନିଷ ପୋଡି ଜଳି ପାଉଁଶ ହୋଇଯାଇଛି l ଅଗ୍ନିକାଣ୍ଡର କାରଣ ଅସ୍ପଷ୍ଟ ରହିଛି l
ଏହି ଅଗ୍ନିକାଣ୍ଡରେ ଗୋପାଳପ୍ରସାଦ ଗ୍ରାମର ଦୁଇଭାଇ ସନାତନ ନାୟକ ଓ ଦୟାନିଧି ନାୟକଙ୍କର ୨ ବଖରା ଘର ଜଳିଯାଇଛି l ଏନେଇ ଖବର ପାଇବା ପରେ ଗଣିଆ ଅଗ୍ନିଶମ ବାହିନୀ ପହଞ୍ଚି ନିଆଁକୁ ଆୟତ୍ତ କରିଥିଲେ l ମାତ୍ର ଅଗ୍ନିଶମ ବାହିନୀ ପହଞ୍ଚି ନିଆଁକୁ ଆୟତ୍ତ କଲାବେଳକୁ ଘରେ ଥିବା ଆସବାବପତ୍ର ସହ ନିତ୍ୟ ବ୍ୟବହାର୍ଯ୍ୟ ଜିନିଷ ପୋଡି ପାଉଁଶ ହୋଇଯାଇଛି । ଫଳରେ ଗାଁର ଖୋଲା ସ୍ଥାନରେ ଆଶ୍ରୟ ନେଇଛନ୍ତି 2 ପରିବାର ଲୋକେ l ଅନ୍ୟପଟେ ଏହି 2 ପରିବାରକୁ ସହାୟତା ପାଇଁ ଦାବି କରିଛନ୍ତି ସ୍ଥାନୀୟ ଲୋକେ ।
ନୟାଗଡରୁ ଜୟେନ୍ଦ୍ର ବେହେରା, ଇଟିଭି ଭାରତ