ନୟାଗଡ଼: ନୟାଗଡ଼ ଜିଲ୍ଲା ରାଜସୁନାଖଳା ନିକଟସ୍ଥ ବିନୋଦପଡା ଠାରେ ସିଆଇଟିୟୁର ୫୧ତମ ପ୍ରତିଷ୍ଠା ଦିବସ ପାଳିତ ହୋଇଯାଇଛି l ମେ' ୩୦ ତାରିଖ ଦେଶବ୍ୟାପୀ ଆଜି ଭାରତର ଶ୍ରମିକ ସଙ୍ଗଠନ କେନ୍ଦ୍ର ସିଟୁର ୫୧ ତମ ପ୍ରତିଷ୍ଠା ଦିବସ ବିଭିନ୍ନ ବର୍ଗର ଶ୍ରମିକ ମାନଙ୍କ ତରଫରୁ ପାଳନ ହେଉଥିଲା ବେଳେ ରଣପୁର ବ୍ଲକ ବିନୋଦପଡା ଠାରେ ସି ଆଇଟିୟୁ ତରଫରୁ କୋଭିଡ ୧୯ ନିୟମ ମାନି ପାଳନ ହୋଇ ଯାଇଛି ।
ସି ଆଇ ଟିୟୁର ପ୍ରତିଷ୍ଠା ଦିବସ ପାଳନ ଅବସରରେ ଶ୍ରମିକଙ୍କୁ ସହାୟତା ଦାବୀ
ଏହି ପରିପ୍ରେକ୍ଷୀରେ ସଂଗଠନର ଲାଲ ପତାକାକୁ ଶ୍ରମିକ ନେତା ସୁରେଶ ସ୍ବାଇଁ ଆନୁଷ୍ଠାନିକ ଭାବେ ଉତ୍ତୋଳନ କରିଥିଲା ବେଳେ ସମସ୍ତେ ସହୀଦ ବେଦିରେ ମାଲ୍ୟାର୍ପଣ କରିଥିଲେ । ପ୍ରଶାନ୍ତ କୁମାର ସାମନ୍ତସିଂହାରଙ୍କ ସଭାପତିତ୍ୱରେ ଅନୁଷ୍ଠିତ ଆଲୋଚନା ସଭାରେ ବକ୍ତାମାନେ କେନ୍ଦ୍ରରେ ମୋଦୀ ସରକାରଙ୍କ ଶ୍ରମିକ ବିରୋଧୀ ଶ୍ରମିକ କୋଡ଼ ପ୍ରତ୍ୟାହାର ପାଈଁ ଆନ୍ଦୋଳନକୁ ତୀବ୍ରତର କରିବାକୁ ଆହ୍ବାନ ଦେବା ସହ କରୋନା ମହାମାରୀ ଯୋଗୁଁ ଚାଲିଥିବା ଲକଡାଉନରେ ଶ୍ରମିକ ମାନେ କାମ ହରାଇ ନାହିଁ ନ ଥିବା ହଇରାଣ ହେଉଛନ୍ତି ।