ନୂଆଗାଁ ପୋଲିସ୍ ଦ୍ଵାରା କଫ ସିରଫ ଜବତ, ଦୁଇ ଗିରଫ

ନୂଆଗାଁ ଥାନା ପୋଲିସ ଦ୍ଵାରା 3 ଶହ କଫ ସିରଫ ଜବତ । ଏହା ସହ ଦୁଇ ଜଣଙ୍କୁ ଗିରଫ କରିଛି ପୋଲିସ । ଅଧିକ ପଢନ୍ତୁ...

ନୟାଗଡ଼: ନୂଆଗାଁ ଥାନା ପୋଲିସ ଦ୍ଵାରା 3 ଶହ କଫ ସିରଫ ଜବତ । ନୂଆଗାଁ ପୋଲିସ୍ ୫୭ ନଂ ଜାତୀୟ ରାଜପଥ ନୂଆଗାଁ ଥାନା ସମ୍ମୁଖରେ ପେଟ୍ରୋଲିଂ କରୁଥିବା ସମୟରେ ସନ୍ଦେହରେ ଏକ ହିରୋ ହୋଣ୍ଡା ପାସନ୍ ବାଇକ୍ ଗାଡ଼ି ନଂ ( ଓ ଆର୍ ୧୫ ଏଲ ୯୨୮୭) କୁ ଅଟକାଇଥିଲା। କିନ୍ତୁ ଗାଡ଼ିଟି ନ ରହି କ୍ଷୀପ୍ର ଗତିରେ ଚାଲିଯାଇଥିଲା । ନୂଆଗାଁ ପୋଲିସ ଗାଡ଼ିକୁ ପିଛାକରି ସୋରଡ଼ା ଗ୍ରାମ ନିକଟରେ ଧରିଥିଲା । ସେଥିମଧ୍ୟରୁ ୩୦୦ ଟି ଏସ କଫସିରଫ ଜବତ କରିବା ସହ ଦୁଇ ଜଣଙ୍କୁ ଗିରଫ କରିଛି ।

ସମ୍ବଲପୁର ଟାଉନ ଥାନା ଅଧୀନରେ ଥିବା ବହଲ୍ପଡ଼ା ଗ୍ରାମର ବିଜୟ ସାହୁଙ୍କ ପୁଅ ରଘୁ ସାହୁ ଏବଂ ବରଗଡ଼ ଜିଲ୍ଲା ବରଗଡ ଟାଉନ୍ ଥାନା ଅଧୀନରେ ଥିବା ଖଜୁର ଟିକିରା ଗ୍ରାମର ନକୁଳ କୁମାର ସେଠୀଙ୍କ ପୁତ୍ର ଆନନ୍ଦ କୁମାର ସେଠୀଙ୍କୁ ଗିରଫ କରାଯାଇ କେସ୍ ନଂ ୭୮ / ୨୨ ରେ ଏକ ମାମଲା ରୁଜୁ କରାଯାଇଥିବା ସୂଚନା ମିଳିଛି ।

ନୟାଗଡ଼ରୁ ଜୟେନ୍ଦ୍ର ବେହେରା, ଇଟିଭି ଭାରତ