ନୟାଗଡ: ଇଲେକ୍ଟ୍ରିକ ଟ୍ରାନ୍ସଫର୍ମରକୁ କେନ୍ଦ୍ର କରି ନୟାଗଡ ଜିଲ୍ଲାର ଦୁଇ ଗ୍ରାମବାସୀଙ୍କ ମଧ୍ୟରେ ଗୋଷ୍ଠୀ ସଂଘର୍ଷ ହୋଇଛି । ସଂଘର୍ଷରେ 15ଜଣରୁ ଅଧିକ ଆହତ ହୋଇଛନ୍ତି । ଏଭଳି ଘଟଣା ଦେଖିବାକୁ ମିଳିଛି ନୟାଗଡ ଜ଼ିଲ୍ଲା ରଣପୁର ଥାନା ଅନ୍ତର୍ଗତ ବଳଭଦ୍ରପୁର ପଞ୍ଚାୟତର ଜଗନ୍ନାଥପୁର ଏବଂ ଶ୍ରୀହରିପୁର ଗାଁ ମଧ୍ୟରେ ।
ଦୁଇ ଗାଁ ମଧ୍ୟରେ ଗୋଷ୍ଠୀ ସଂଘର୍ଷ
ସୂଚନାଅନୁସାରେ, ଜଗନ୍ନାଥପୁର ଗାଁର ଇଲେକ୍ଟ୍ରିକ ଟ୍ରାନ୍ସଫର୍ମରରୁ ଶ୍ରୀହରିପୁରର କିଛି ଗ୍ରାମବାସୀ ଚୋରାରେ ବିଦ୍ୟୁତ ନେଇଥିଲେ । ବିଦ୍ୟୁତରେ ପାଣି ମଟର ଲଗାଇ ମନଇଚ୍ଛା ନିତ୍ୟ ବ୍ୟବହାର୍ଯ୍ୟ କାର୍ଯ୍ୟରେ ଲଗାଇବା ସହ ବିଲରେ ପାଣି ମଡ଼ାଉଥିବାର ଅଭିଯୋଗ କରିଛନ୍ତି ଗ୍ରାମବାସୀ । ବିଦ୍ୟୁତ ଟ୍ରାନ୍ସଫରମରଟି ପୋଡି ଯାଇଥିବା ସନ୍ଦେହ କରି ଜଗନ୍ନାଥପୁର ଗ୍ରାମବାସୀ ବିଦ୍ୟୁତ ବିଭାଗର ପରାମର୍ଶରେ ଟ୍ରାନ୍ସଫରମରରେ ଏକ ତାଲା ପକାଇଥିଲେ ।