ନୟାଗଡ଼ : ପିଲା ଚୋରି କରି ନେଉଥିବାବେଳେ ହଟହଟା ଚୋର । ଧରାପଡିବା ପରେ ମୁଁ ପିଲାକୁ ବୁଲାଇବାକୁ ନେଇଥିବା କହିଲା ପିଲା ଚୋର । ଗ୍ରାମବାସୀଙ୍କ ହାବୁଡ଼ରେ ପଡି ଏମିତି କହିଲା ଚୋର l ପିଲା ଚୋରକୁ ଧରି ପୋଲିସରେ ଜିମା ଦେଲେ ଗ୍ରାମବାସୀ l ଏଭଳି ଘଟଣା ଦେଖିବାକୁ ମିଳିଛି ନୟାଗଡ ଜ଼ିଲ୍ଲା ଶରଣକୁଳ ଥାନା ଅନ୍ତର୍ଗତ ପାଇକଗଡ଼ ଗ୍ରାମରେ l
ପିଲା ଚୋରି ବେଳେ ଧରାପଡିଲା ଚୋର, ପୋଲିସ ଜିମା ଦେଲେ ଗ୍ରାମବାସୀ
ସୂଚନା ଅନୁସାରେ ଉକ୍ତ ଗାଁର ଅଜୟ ମୁଦୁଲିଙ୍କ 3ବର୍ଷର ଝିଅ ସମ୍ପୂର୍ଣ୍ଣା ମୁଦୁଲି ଗାଁ ଦାଣ୍ଡରେ ଖେଳୁଥିବାବେଳେ ଗ୍ରାମକୁ ଆସିଥିବା ରଙ୍କ ମହାରଣା ନାମକ ଏକ ପରିବା ବେପାରୀ ଝିଅଟିକୁ ପରିବା ବୋଝରେ ପକାଇ ନେଇଯାଉଥିଲା । ଏହି ସମୟରେ ପିଲାଟି କାନ୍ଦିବାରୁ ସ୍ଥାନୀୟ ଲୋକେ ପରିବା ବେପାରୀକୁ ଅଟକାଇ ଝିଅଟିକୁ ଉଦ୍ଧାର କରିଥିଲେ l ପରେ ଗ୍ରାମବାସୀ ପରିବା ବେପାରୀକୁ ଅଟକ ରଖି ଶରଣକୁଳ ପୋଲିସକୁ ଜିମା ଦେଇଥିଲେ l