ନୟାଗଡ଼: ହତ୍ୟାକରି RPF କର୍ମଚାରୀଙ୍କୁ ଫ୍ୟାନରେ ଝୁଲାଇ ଦେଲେ ଦୁବୁର୍ତ୍ତ । ଏଭଳି ଘଟଣା ଦେଖିବାକୁ ମିଳିଛି ଛତିଶଗଡ଼ ରାୟପୁର ସହରର ମହାଶମୁଣ୍ଡ ଜିଲ୍ଲାରେ । ସୂଚନାନୁସାରେ ମୃତକ ବ୍ୟକ୍ତି ଜଣକ ହେଉଛନ୍ତି RPF କର୍ମଚାରୀ ଆଲୋକ କୁମାର ସାହୁ । ଦୀର୍ଘ ଦିନ ସେ ମହାଶମୁଣ୍ଡ ଜିଲ୍ଲାର ରେଳ ଷ୍ଟେସନରେ କାର୍ଯ୍ୟ କରି ଆସୁଥିଲେ ସୁଦ୍ଧା ଅଚାନକ ତାଙ୍କ ଭଡାଘରୁ ମୃତଦେହ ମିଳିଥିବା ଦେଖିବାକୁ ମିଳିଛି ।
RPF କର୍ମଚାରୀଙ୍କୁ ଝୁଲନ୍ତା ମୃତଦେହ ଉଦ୍ଧାର, ଥାନାରେ ଅଭିଯୋଗ କଲେ ପରିବାର ଲୋକେ
ତେବେ ଆଲୋକଙ୍କ ଘର ନୟାଗଡ଼ ଜିଲ୍ଲା ଶରଣକୁଳ ଥାନା ହରିହରପୁର ଗାଁରେ ହୋଇଥିବା ଜଣାପଡିଛି l ଗତ 18ତାରିଖରେ ଆଲୋକଙ୍କ ମୃତଦେହ ଭଡାଘର ପଙ୍ଖାରେ ଝୁଲି ରହିଥିବା ଦେଖିବାକୁ ମିଳିଥିଲା । ମାତ୍ର ତାଙ୍କ ଶରୀରର ବିଭିନ୍ନ ସ୍ଥାନରେ କ୍ଷତ ସୃଷ୍ଟିହୋଇ ରକ୍ତ ଝରୁଥିବା ଦେଖିବାକୁ ମିଳିଥିଲା ।