ନୟାଗଡ଼: ଦଶପଲ୍ଲା ଥାନା ଟାକରା ଗ୍ରାମପଞ୍ଚାୟତ ଅନ୍ତର୍ଗତ ବୁଗୁଡାରେ ବୋମା ଆତଙ୍କ । ବୋମା ବିସ୍ଫୋରଣର ପ୍ରଚଣ୍ଡ ଶବ୍ଦ ଯୋଗୁଁ ସ୍ଥାନୀୟ ବାସିନ୍ଦା ଆତଙ୍କିତ ହୋଇପଡିଥିଲେ । ଏହି ଗ୍ରାମର ୫୭ ନଂ ଜାତୀୟ ରାଜପଥ ପାର୍ଶ୍ବରେ ଥିବା ଏକ ପରିତ୍ୟକ୍ତ ଘରୁ ମିଳିଥିବା ଏକ ବାକ୍ସରୁ ବୋମା ବିସ୍ଫୋରଣ ହୋଇଥିବା ଜଣାପଡିଛି ।
ନୟାଗଡରେ ଫୁଟିଲା ବୋମା, କାରଣ ଅସ୍ପଷ୍ଟ
ସୂଚନା ଅନୁଯାୟୀ, ଏହି ପରିତ୍ୟକ୍ତ ଘରେ ଏକ ଜରି ବ୍ୟାଗରେ ଦୁଇଟି ବୋମା ଥିଲା । ଆଜି ଘରକାମ ପାଇଁ ଶ୍ରମିକମାନେ ଇଟା ଆଣିବାକୁ ଯାଇଥିବା ବେଳେ ବ୍ୟାଗରେ କିଛି ଜିନିଷ ଥିବା ଦେଖି ସନ୍ଦେହ କରିଥିଲେ । ପରେ ଏନେଇ ଗ୍ରାମବାସୀଙ୍କୁ ମଧ୍ୟ ଜଣାଇଥିଲେ । ଗ୍ରାମର କିଛି ଯୁବକ ବାକ୍ସରେ କଣ ଅଛି ଭାବି ସେଥିରୁ ଗୋଟିଏ ବାକ୍ସକୁ ରାସ୍ତାକୁ ଫୋପାଡ଼ି ଦେଇଥିଲେ । ଏହି ସମୟରେ ପ୍ରଚଣ୍ଡ ଶବ୍ଦ କରି ବୋମା ବିସ୍ଫୋରଣ ହୋଇଥିବା ସ୍ଥାନୀୟ ଲୋକେ କହିଛନ୍ତି ।