ନୟାଗଡ: ବହୁ ଚର୍ଚ୍ଚିତ ପରୀ ଅପହରଣ ଏବଂ ପରେ ହତ୍ୟା ମାମଲାରେ ଦିନକୁ ଦିନ ନୂଆ ନୂଆ ତଥ୍ୟ ସାମ୍ନାକୁ ଆସୁଛି । ଗତ 3 ଦିନ ଧରି ଏସଆଇଟି ଗିରଫ କରିନେଇଥିବା ଅଭିଯୁକ୍ତ ସରୋଜ ସେଠୀ ଦୋଷୀ ବୋଲି କହିଛନ୍ତି ଏସଆଇଟି ମୁଖ୍ୟ ଅରୁଣ ବୋଥ୍ରା । ଏନେଇ ଏସଆଇଟି ମୁଖ୍ୟ ଅରୁଣ ବୋଥ୍ରା ସାମ୍ବାଦିକ ସମ୍ମିଳନୀ କରି ସୂଚନା ଦେବାପରେ ମୁହଁ ଖୋଲିଛନ୍ତି ସରୋଜ ସେଠୀଙ୍କ ମାଆ ।
'ପ୍ରେସମିଟରେ ଅରୁଣ ବୋଥ୍ରାଙ୍କ ତଥ୍ୟ ମିଛ'
ସରୋଜଙ୍କ ମାଆ ଶୈଳବାଳା ସେଠୀ କହିଛନ୍ତି ଯେ, 'ମୋ ପୁଅ ନିର୍ଦ୍ଦୋଷ, ଆମର କେହି ଲଢିବାକୁ ନାହାଁନ୍ତି ବୋଲି ଜାଣିଶୁଣି ମୋ ପୁଅକୁ ଫସାଇ ଦିଆଯାଇଛି ।' ତେବେ ଏସବୁ ଅନ୍ୟାୟ ବୋଲି ଶୈଳବାଳା କହିଛନ୍ତି । ସୂଚନା ଅନୁଯାୟୀ ମୃତ ପରୀର ପଡୋଶୀ ସରୋଜ ସେଠୀ କିଛିଦିିନ ତଳେ ଏସଆଇଟି ମୁଖ୍ୟ ଅରୁଣ ବୋଥ୍ରାଙ୍କ ନାମରେ ସଙ୍ଗୀନ ଅଭିଯୋଗ ଆଣିଥିଲେ ।