ନୟାଗଡ଼: ଜିଲ୍ଲାରେ ଟୀକାକରଣ ପାଇଁ ଧାଡିରେ ରଖାଯାଇଛି ଶହ ଶହ ସଂଖ୍ୟାରେ ଆଧାର କାର୍ଡ । ତେବେ ଟିକା ରେଜିଷ୍ଟ୍ରେସନ ପାଇଁ ଲୋକଙ୍କୁ ସଠିକ ସୂଚନା ମିଳିନଥିବାରୁ ଏଭଳି ଲମ୍ବା ଧାଡିରେ ଆଧାର କାର୍ଡ ରଖି ଘଣ୍ଟା ଘଣ୍ଟା ଧରି ଅପେକ୍ଷା କରୁଥିବାର ଦେଖିବାକୁ ମିଳିଛି ।
ଟିକା ପାଇଁ ଧାଡିରେ ଆଧାରକାର୍ଡ !
କୋରୋନା ମହାମାରୀର ଦ୍ବିତୀୟ ଲହରୀ ବିରୋଧରେ ରାଜ୍ୟରେ ଜାରି ରହିଛି ଲଢେଇ । ସଂକ୍ରମଣକୁ ରୋକିବା ପାଇଁ ଟୀକାକରଣ ମଧ୍ୟ ଚାଲିଛି । ଏହାରି ମଧ୍ୟରେ ନୟାଗଡ଼ ଜିଲ୍ଲାରୁ କୋଭିଡ଼ କେନ୍ଦ୍ରରେ ଏଭଳି ଅବ୍ୟବସ୍ଥା ସାମନାକୁ ଆସିଛି । ଟୀକାକରଣ ପାଇଁ ଲୋକଙ୍କୁ ସଠିକ ସମୟରେ ସୂଚନା ମିଳୁନଥିବାରୁ ଟିକା ରେଜିଷ୍ଟ୍ରେସନ ପାଇଁ ଭୋର 3ଟା ସମୟରୁ ଲୋକେ ଲମ୍ବା ଧାଡିରେ ଆଧାର କାର୍ଡ ରଖି ଘଣ୍ଟା ଘଣ୍ଟା ଧରି ଅପେକ୍ଷା କରୁଥିବାର ଦେଖିବାକୁ ମିଳିଛି ।