ନୟାଗଡ଼: ବିବାଦ ଘେରରେ ନୟାଗଡ ସଦର ଥାନା ପୋଲିସ । ନାବାଳିକା ଅପହରଣକାରୀଙ୍କୁ ନ ଧରି ପୋଲିସ ଅଭିଯୋଗକାରୀଙ୍କୁ ଧମକ ଦେବା ଅଭିଯୋଗ ହୋଇଛି । ଏନେଇ ନାବାଳିକା ପରିବାର ପକ୍ଷରୁ ଅଭିଯୁକ୍ତର ଗିରଫ ଦାବିରେ ସଦର ଥାନା ଆଗରେ ଧାରଣା ଦିଆଯାଇଛି ।
ନିଖୋଜ ନାବାଳିକାକୁ ଉଦ୍ଧାର ପରିବାର ଲୋକଙ୍କ ଧାରଣା
ଗତ ଦେଢମାସ ତଳେ ନୟାଗଡ଼ ଏକତାଳ ଗାଁର ବିଭୁ ମଲ୍ଲିକ ପ୍ରଲୋଭନ ଦେଖାଇ ନାବାଳିକାକୁ ଗାଁରୁ ଅପହରଣ କରି ନେଇଛି । ଏନେଇ ପରିବାର ପକ୍ଷରୁ ନାବାଳିକାକୁ ଅପହରଣକାରୀ କଟକରେ ରଖିଥିବା ସଦରଥାନାରେ ଅଭିଯୋଗ ହୋଇଛି ।
ଅଭିଯୋଗ ପରେ ମଧ୍ୟ ପୋଲିସ ରାଜନୈତିକ ଚାପରେ ଅଭିଯୁକ୍ତ ବିଭୁକୁ ଗିରଫ କରୁ ନଥିବା ଅଭିଯୋଗ କରିଛନ୍ତି ନାବାଳିକାର ପରିବାର । ଝିଅକୁ ଅପହରଣକାରୀ ଠାରୁ ଉଦ୍ଧାର ପାଇଁ ଦେଢମାସ ହେଲା ବାପାମାଆ ବହୁବାର ଥାନାକୁ ଦୌଡୁଥିଲେ ମଧ୍ୟ, ସେମାନଙ୍କୁ ଥାନାରେ ଆଇଆଇସି ଦୁର୍ବ୍ୟବହାର କରିଥିବା ଅଭିଯୋଗ ହୋଇଛି ।