ନୟାଗଡ଼: ଜିଲ୍ଲାର ଶରଣକୂଳ ଥାନା ଯାକେଡ଼ା ଗ୍ରାମରେ ଦୀର୍ଘ ଦିନରୁ ଲାଗି ରହିଥିଲା ଆମ୍ବ ଓ କାଜୁ ଜମି ବିବାଦ । ଏଥିଲାଗି 2 ଗୋଷ୍ଠୀଙ୍କ ମଧ୍ୟରେ ବିବାଦ ଯୋଗୁଁ 20ଟି ପରିବାର ଗ୍ରାମ ଛାଡିଥିବା ଜଣାପଡିଛି ।
ଆମ୍ବ-କାଜୁ ଜମି ବିବାଦ, ଗାଁ ଛାଡିଲେ 20 ପରିବାର
ଏହି ଜମି ବିବାଦକୁ ନେଇ ୨ ଗୋଷ୍ଠୀଙ୍କ ମଧ୍ୟରେ ଲାଗିରହିଥିବା ବିବାଦ ଯୋଗୁଁ ନିଜ ଭିଟାମାଟି ଛାଡିଛନ୍ତି ଗାଁର ଗୋଟିଏ ଗୋଷ୍ଠୀର ଏହି 20ଟି ପରିବାର । ସେମାନେ ଗାଁଠାରୁ 15 କିଲୋମିଟର ଦୂରରେ ଏକ ସ୍କୁଲ ହତାରେ ତମ୍ବୁଟାଣି ଯାଯାବର ଜୀବନ ବିତାଉଥିବା ଦେଖିବାକୁ ମିଳିଛି । ତେବେ ଏହି ଘଟଣାକୁ 15ଦିନ ବିତିଯାଇଥିଲେ ମଧ୍ୟ ଏପର୍ଯ୍ୟନ୍ତ ଜିଲ୍ଲା ପ୍ରଶାସନ କୌଣସି ହସ୍ତକ୍ଷେପ କରିନଥିବା ଦେଖିବାକୁ ମିଳିଛି ।