ନିର୍ବାଚନୀ ପ୍ରଚାରରେ ଯାଇ ଯୁବକ ନିଖୋଜ, ତଦନ୍ତ ଜାରି

ନିର୍ବାଚନୀ ପ୍ରଚାରକୁ ଯାଇ ଆଉ ଘରକୁ ଫେରିଲେନି ଯୁବକ । ଏପରି ଦୁଃଖଦ ଘଟଣା ଘଟିଛି ନବରଙ୍ଗପୁର ଝରିଗାଁ ବ୍ଲକ ଅନ୍ତର୍ଗତ ଗୌଡ଼ସାହି ଗାଁରେ । ପରିବାର ଲୋକଙ୍କ ଅଭିଯୋଗ ପରେ ତଦନ୍ତଜାରି ରଖିଛି ପୋଲିସ ।

ନବରଙ୍ଗପୁର: ୨୦୦୧୯ ସାଧାରଣ ନିର୍ବାଚନ। ଜମୁଛି ନିର୍ବାଚନୀ ପ୍ରଚାର । ସାରା ଦେଶରେ ନିର୍ବାଚନକୁ ନେଇ ପ୍ରଚାର, ରାଲି, ସାଧାରଣ ନିର୍ବାଚନ ସଭା ଆଦି ବିଭିନ୍ନ ରାଜନୈତିକ ଦଳ କରୁଥିବାବେଳେ ଏହି କାର୍ଯ୍ୟକ୍ରମ ଗୁଡିକରେ ଗାଁରୁ ସହର, ଯୁବକ ଠୁ ବୁଢା ସମସ୍ତେ ଯୋଗ ଦେଉଛନ୍ତି । ତେବେ ଏହିପରି ଏକ ନିର୍ବାଚନ କାର୍ଯ୍ୟକ୍ରମରେ ଯୋଗ ଦେବାକୁ ଆସି ଜଣେ ଯୁବକ ନିଖୋଜ ହେବା ଘଟଣା ଅଞ୍ଚଳରେ ଚାଞ୍ଚଲ୍ୟ ସୃଷ୍ଟି କରିଛି ।

ଏପରି ଦୁଃଖଦ ଘଟଣା ଘଟିଛି ନବରଙ୍ଗପୁର ଝରିଗାଁ ବ୍ଲକ ଅନ୍ତର୍ଗତ ଗୌଡ଼ସାହି ଗାଁରେ । ସୂଚନାମୁତାବକ ପ୍ରଥମ ପର୍ଯ୍ୟାୟ ନିର୍ବାଚୀ ପ୍ରଚାର ପାଇଁ ଗତ ୯ ତାରିଖରେ କଂଗ୍ରେସ ପକ୍ଷରୁ ଏକ ମୋଟର ସାଇକେଲ ରାଲି ଅନୁଷ୍ଠିତ ହୋଇଥିଲା । ଏଥିରେ ସାମିଲ ହୋଇଥିଲେ ଅଭଜିତ ମଣ୍ଡଳ। ଉକ୍ତ ଦିନ ଅଭିଜିତ ଘରେ ଥିବା ବାଇକ ନଂ OR24B 0554 ଧରି କଂଗ୍ରେସ ରାଲିରେ ଯୋଗ ଦେବାକୁ ବାହାରିଥିଲେ ।

ନିର୍ବାଚନୀ ରାଲି ସରିଥିଲା ସତ କିନ୍ତୁ ଘରକୁ ଆଉ ଫେରିନଥିଲେ ଅଭିଜିତ । ଏହାପରେ ପରିବାର ଲୋକେ ଗାଁର ଆଖପାଖରେ ରାତି ସାରା ଖୋଜାଖୋଜି କରିଥିଲେ । ହେଲେ କେଉଁଠିବି ଅଭିଜିତଙ୍କୁ ପାଇନଥିଲେ । ଏନେଇ ଅଭିଜିତଙ୍କ ବାପା ଅତୁଲ ମଣ୍ଡଳ 10 ତାରିଖ ସକାଳେ ଝରିଗାଁ ଥାନାରେ ଅଭିଯୋଗ କରିଥିଲେ । ଅଭିଯୋଗକୁ ଭିତ୍ତି କରି ଅଭିଜିତର ମୋବାଇଲକୁ ଟ୍ରାକ କରିବା ସହ ତଦନ୍ତ ଜାରି ରଖିଛି ପୋଲିସ ।

ନବରଙ୍ଗପୁରରୁ ତପନ ବିଷୋୟୀ, ଇଟିଭି ଭାରତ