ନବରଙ୍ଗପୁର: ତେନ୍ତୁଳିଖୁଣ୍ଟି ବ୍ଲକ ଅନ୍ତର୍ଗତ ଅମଲାଭଟ୍ଟା ପଞ୍ଚାୟତରେ ଭାଲୁ ଆତଙ୍କ । ଭାଲୁ ଆକ୍ରମଣରେ ଜଣେ ଯୁବକ ଗୁରୁତର ହୋଇଛନ୍ତି । ନିଲଗୁଣ୍ଡି ଗୁଡା ଗ୍ରାମର ରମେଶ କୁଶ ଘର ନିକଟସ୍ଥ ପଡିଆକୁ ଯାଇଥିବାବେଳେ ହଠାତ ଭାଲୁ ହାବୁଡରେ ପଡିଯାଇଥିଲେ l ଭାଲୁଟି ରମେଶକୁ ଦେଖି ଆକ୍ରମଣ କରିଥିଲା । କିଛି ସମୟ ଉଭୟଙ୍କ ମଧ୍ୟରେ ଧସ୍ତାଧସ୍ତି ହେବା ପରେ ଯୁବକ ଜଣକ ଭାଲୁ କବଳରୁ ଖସି ଆସିଥିଲେ ।
ଅମଲାଭଟ୍ଟାରେ ଭାଲୁ ଆକ୍ରମଣ, ଜଣେ ଯୁବକ ଗୁରୁତର
ଗୁରୁତର ଅବସ୍ଥାରେ ଯୁବକ ଜଣକ ଘରକୁ ଫେରି ପରିବାର ଲୋକଙ୍କୁ ଘଟଣା ସମ୍ପର୍କରେ ଜଣାଇଥିଲେ l ପରିବାର ଲୋକେ ସଙ୍ଗେସଙ୍ଗେ 108 ଆମ୍ବୁଲାନ୍ସ ଯୋଗେଁ ନବରଙ୍ଗପୁର ମୁଖ୍ୟ ଚିକିତ୍ସାଳୟକୁ ଆଣି ଭର୍ତ୍ତି କରିଥିବା ବେଳେ ସେଠାରେ ତାଙ୍କର ଚିକିତ୍ସା ଜାରି ରହିଛି ।