ନବରଙ୍ଗପୁର: ପାପଡାହାଣ୍ଡି ତହସିଲ ଅନ୍ତର୍ଗତ ଝିଟୁକୁଗୁଡା ବାଲିଘାଟରୁ ବେଆଇନ ଭାବେ ବାଲି ଚାଲାଣ କରୁଥିବା ୧୧ଟି ଟ୍ରାକଟରକୁ ଜବତ କରିଛନ୍ତି ସ୍ଥାନୀୟ ତହସିଲଦାର l ଜବତ ଟ୍ରାକଟର ଗୁଡିକ ତୁମ୍ବର୍ଲା ଫାଣ୍ଡିରେ ରଖାଯାଇଥିବା ବେଳେ ଜରିମାନା ଆଦାୟ କରାଯିବ ବୋଲି ତହସିଲଦାର ସୂଚନା ଦେଇଛନ୍ତି l
ବାଲିଘାଟରୁ ବେଆଇନ ବାଲି ଚାଲାଣ, ୧୧ ଟ୍ରାକ୍ଟର ଜବତ
ବେଆଇନ ବାଲିଚାଲାଣ ନେଇ ଲୋକଙ୍କ ଅଭିଯୋଗ ପରେ ତହସିଲଦାର ଏକ ଟିମ ସହିତ ତୁମ୍ବର୍ଲା ଫାଣ୍ଡିରେ ଠାରେ ଅପେକ୍ଷା କରି ରହିଥିଲେ l ବାଲି ବୋଝେଇ ଟ୍ରାକଟର ଗୁଡିକ ତୁମ୍ବର୍ଲାରେ ପହଞ୍ଚିବା ପରେ ତହସିଲଦାର ସମସ୍ତ ଗାଡିକୁ ଅଟକାଇ କାଗଜପତ୍ର ଯାଞ୍ଚ କରିଥିଲେ l ବିନା ରୟାଲିଟିରେ ବାଲି ଚାଲାଣ ହେଉଥିବା ଜାଣିବା ପରେ ୧୧ଟି ଟ୍ରାକଟରକୁ ଜବତ କରାଯାଇ ତୁମ୍ବର୍ଲା ଫାଣ୍ଡିରେ ରଖାଯାଇଥିବା ତହସିଲଦାର ସୂଚନା ଦେଇଛନ୍ତି l