ଚାଲାଣ ବେଳେ ସ୍କୁଟିରୁ ୧୨ କେଜିରୁ ଊର୍ଦ୍ଧ୍ବ ଗଞ୍ଜେଇ ଜବତ, ଜଣେ ଗିରଫ

ଗଞ୍ଜେଇ ଚୋରା ଚାଲାଣ ବେଳେ ଗୋଟିଏ ସ୍କୁଟିରୁ ୧୨ କେଜି ୮୦୦ ଗ୍ରାମ ଗଞ୍ଜେଇ ସହ ଜଣକୁ ଗିରଫ କଲା ପାପଡାହାଣ୍ଡି ପୋଲିସ । ତେବେ ସ୍କୁଟିଟି ମାଲକାନଗିରି ଜିଲ୍ଲା ମାଚକୁଣ୍ଡରୁ ବାହାରି କଳାହାଣ୍ଡି ଜିଲ୍ଲା ଜୁନାଗଡ ଅଭିମୁଖେ ଯାଉଥିବା ଜଣାପଡ଼ିଛି । ଅଧିକ ପଢନ୍ତୁ...

ନବରଙ୍ଗପୁର: ଗଞ୍ଜେଇ ଚୋରା ଚାଲାଣ ବେଳେ ଗୋଟିଏ ସ୍କୁଟିରୁ ୧୨ କେଜି ୮୦୦ ଗ୍ରାମ ଗଞ୍ଜେଇ ସହ ଜଣକୁ ଗିରଫ କଲା ପାପଡାହାଣ୍ଡି ପୋଲିସ । ତେବେ ଗିରଫ ବ୍ୟକ୍ତି ଜଣକ କଳାହାଣ୍ଡି ଜିଲ୍ଲା ଜୁନାଗଡ଼ ଥାନା ବନିଜରା ଗ୍ରାମ ନିଖିଳ କୁମାର ମୁଣ୍ଡ ବୋଲି କୁହାଯାଇଛି । ପାପଡାହାଣ୍ଡି ମୃଗ ବିହାର ନିକଟରେ ଯାନ ବାହାନ ଯାଞ୍ଚ ବେଳେ ଏହି ଗଞ୍ଜେଇ ଜବତ ହୋଇଥିଲା ।

ତେବେ ସ୍କୁଟିଟି ମାଲକାନଗିରି ଜିଲ୍ଲା ମାଚକୁଣ୍ଡରୁ ବାହାରି କଳାହାଣ୍ଡି ଜିଲ୍ଲା ଜୁନାଗଡ ଅଭିମୁଖେ ଯାଉଥିବା ଜଣାପଡ଼ିଛି । ଏନେଇ ପାପଡାହାଣ୍ଡି ଥାନାରେ କେସ ନଂ ୧୬୭/୨୦ ରେ ରେଜିଷ୍ଟର କରି ଅଭିଯୁକ୍ତକୁ କୋର୍ଟ ଚାଲାଣ କରିଥିବା ସୂଚନା ଦେଇଛନ୍ତି ଆଇଆଇସି ସୁବେନ୍ଧୁ ଶବର । ଏହି ଜବତ ସମୟରେ ସବ ଇନ୍ସପେକ୍ଟର ପୂର୍ଣ୍ଣିମା ଟେଟେ ଓ ଥାନା କର୍ମଚାରୀ ଥିଲେ ।

ନବରଙ୍ଗପୁରରୁ ତପନ କୁମାର ବିଷୋୟୀ, ଇଟିଭି ଭାରତ