ନବରଙ୍ଗପୁର: ରାଇଘର-ଉମରକୋଟ ରାଜ୍ୟ ରାଜପଥରେ ମର୍ମନ୍ତୁଦ ସଡ଼କ ଦୁର୍ଘଟଣା । ଘଟଣାରେ ଜଣେ ମୃତ୍ୟୁ, 2 ଜଣ ଆହତ ହୋଇଛନ୍ତି । ମୃତକ ହେଲେ ରାଇଘର ସ୍ଥିତ ଅରବିନ୍ଦ ପୂର୍ଣ୍ଣାଙ୍ଗ ଶିକ୍ଷାକେନ୍ଦ୍ରର ଅଧ୍ୟକ୍ଷ ବିଜୟ ମହାପାତ୍ର ।
ଭିଡିଓ ସୌଜନ୍ୟ: ସମ୍ବାଦଦାତା,ନବରଙ୍ଗପୁର
ବିଜୟ ମହାପାତ୍ରଙ୍କ ଘର ରାଇଘର ହୋଇଥିବାବେଳେ ଗତକାଲି ସେ କୌଣସି ଏକ କାମରେ ଉମରକୋଟ ଆସିଥିଲେ । କାମ ସାରି ଘରକୁ ଫେରୁଥିବା ସମୟରେ କୋଟପାରା ନିକଟରୁ ଆସୁଥିବା ଅନ୍ୟ ଏକ ବାଇକ ସହ ମୁହାଁମୁହିଁ ଧକ୍କା ହୋଇଥିଲା । ଧକ୍କା ହେବା ପରେ ରାସ୍ତା ମଝିରେ ବିଜୟ ପଡିଯାଇଥିଲେ । ଏହା ଉପରେ ଏକ ଦ୍ରୁତଗାମୀ ଟ୍ରକ ମାଡିଯିବାରୁ ତାଙ୍କର ଘଟଣାସ୍ଥଳରେ ହିଁ ମୃତ୍ୟୁ ଘଟିଥିଲା ।