ନବରଙ୍ଗପୁର: ଡାବୁଗାଁ ଥାନା ଅନ୍ତର୍ଗତ ପରସବେଡା ଗାଁରୁ ଏକ ବୃଦ୍ଧଙ୍କ ମୃତଦେହ ଉଦ୍ଧାର କରାଯାଇଛି । ପ୍ରାଥମିକ ତଦନ୍ତରୁ ଏହା ଏକ ହତ୍ୟାକାଣ୍ଡ ବୋଲି ଜଣାପଡ଼ିଥିବା ବେଳେ ବୃଦ୍ଧଙ୍କୁ ଏକ ଧାରୁଆ ଅସ୍ତ୍ରରେ ଗଳା କଟାଯାଇଥିବା ଜଣାପଡିଛି । ପୋଲିସକୁ ଏନେଇ କୌଣସି ସୁରାଗ ନ ମିଳିବା ପରେ କୋରାପୁଟରୁ ସନ୍ଧାନୀ କୁକୁର ଓ ସାଇଣ୍ଟିଫିକ୍ ଦଳର ସହାୟତା ନେବାକୁ ପଡ଼ିଥିଲା । ଏନେଇ ଡାବୁଗାଁ ଥାନାରେ କେଶ ନମ୍ବର 54/19 ରେ ମାମଲା ରୁଜୁ ହୋଇଥିବା ବେଳେ ଡାବୁଗାଁ ଏସଆଇ ରଙ୍କନିଧି ସାହୁ ଏହି ଘଟଣାର ତଦନ୍ତ କରୁଛନ୍ତି ।
ଭିଡିଓ ସୌଜନ୍ୟ: ସମ୍ବାଦଦାତା,ନବରଙ୍ଗପୁର
ସୂଚନା ଅନୁସାରେ, ମୃତକ ଜଣକ ହେଲେ ଡାବୁଗାଁ ଥାନା ବୋରିଗାଁ ପଞ୍ଚାୟତ ଅନ୍ତର୍ଗତ ପରସବେଡ଼ା ଗ୍ରାମର ସନୁ ଭତରା (60) । ଗାଁରୁ କିଛି ଲୋକଙ୍କ ସହ ମିଶି ଶୁକ୍ରବାର ମୋତିଗାଁ ଭୋଜି ଖାଇବାକୁ ଯାଇଥିଲେ ସନୁ । ଭୋଜି ଖାଇ ଘରକୁ ମଧ୍ୟ ଫେରିଥିଲେ। ଅତ୍ୟଧିକ ଗରମ ଯୋଗୁଁ ଅଗଣାରେ ଖଟିଆ ପକାଇ ଶୋଇଯାଇଥିଲେ।